Policia e Shtetit nxori sonte, pak para mesnate pamjet e ekstradimeve në bashkëpunim me autoritetet e Emirateve të Bashkuara Arabe dhe Interpol Abu Dhabi.

Tre shtetas shqiptarë të shpallur në kërkim ndërkombëtar, të dyshuar si pjesëtarë të grupeve kriminale të njohura në Elbasan – përkatësisht grupet e Suel Çelës dhe Çopjave – janë ekstraduar nga Dubai drejt Shqipërisë, me transit në Stamboll.

Të ekstraduarit janë:

Ervis Daka, 38 vjeç, ndaj të cilit Gjykata e Posaçme kundër Korrupsionit dhe Krimit të Organizuar (GJKKO) ka caktuar masën "arrest në burg" për akuzat: vrasje me paramendim, mbetur në tentativë, sigurim i kushteve për të kryer vrasje, armëmbajtje pa leje, dhe përkrahje e autorit të krimit, të kryera në kuadër të një grupi të strukturuar kriminal.

Maksim Koçi, 39 vjeç, akuzohet për vrasje me paramendim për interes dhe hakmarrje, sigurim i kushteve për vrasje, armëmbajtje pa leje, si dhe përkrahje e autorit të krimit, gjithashtu në kuadër të një organizate kriminale.

Ado Xhika, 40 vjeç, i cili përballet me akuzën përkrahje e autorit të krimit, në strukturë kriminale. Ado Xhika alias Ado Cërriku alias Elkier Cërriku,

Operacioni u realizua në kuadër të fushatës ndërkombëtare “The Wanted”, falë bashkëpunimit mes Interpol Tiranës dhe Interpol Abu Dhabit, si dhe shkëmbimit të shpejtë të informacioneve nga strukturat e specializuara të Policisë së Shtetit dhe autoritetet e Dubait.

Pas mbërritjes në aeroportin e Rinasit, tre të ekstraduarit iu dorëzuan Drejtorisë së Përgjithshme të Burgjeve, ku do të mbahen në pritje të përballjes me drejtësinë shqiptare. /noa.al

View this post on Instagram

A post shared by Agjencia Kombëtare e Lajmeve NOA (@noanews)