TIRANË- Nën dritat vezulluese dhe atmosferën e veçantë të amfiteatrit të Liqenit në Tiranë, u mbajt nata finale e spektaklit "Miss Shqipëria 2025", një mbrëmje që festoi bukurinë, elegancën dhe talentin e vajzave shqiptare.

Pas një gare plot emocione, sfida dhe paraqitje spektakolare, u kurorëzua si Miss Shqipëria 2025: Valentina Gegprifti; Shoqëruese e Parë: Klea Thaçi;
Shoqëruese e Dytë: Laora Peka.

Përveç çmimeve kombëtare, u shpallën edhe përfaqësueset që do të mbajnë flamurin shqiptar në skenat më të rëndësishme të bukurisë në botë. Titujt ndërkombëtarë u fituan nga: Miss Earth Albania 2025: Kleja Sulejmani Miss International Albania 2025: Gledia Preka Miss Supranational Albania 2026: Natalia Lalaj

Spektakli i sivjetshëm solli jo vetëm shkëlqim dhe bukuri, por edhe një mesazh të fortë për fuqizimin e vajzave dhe promovimin e vlerave shqiptare në arenën ndërkombëtare. Një natë për t’u mbajtur mend, ku natyra dhe arti u ndërthurën në mënyrë perfekte.