SHBA – Manchester City e nisi me fitore rrugëtimin në Kupën e Botës për Klube, duke mundur 2-0 Wydad Casablancën në ndeshjen e parë të Grupit G. Edhe pse jo në versionin më spektakolar, kampionët e Europës u treguan të saktë dhe efikas.

Phil Foden zhbllokoi rezultatin pas vetëm dy minutash, ndërsa Jeremy Doku dyfishoi në minutën e 38-të, pas një goditjeje nga këndi ku mbrojtja marokene u tregua e pavëmendshme.

Ekipi i Guardiolës ruajti kontrollin gjatë gjithë ndeshjes, megjithëse në disa raste u vu në vështirësi nga kundërsulmet e Wydadit, që shfaqi pak cilësi në finalizim. Ederson ndërhyri vendimtar në një rast për të ruajtur avantazhin.

City pati edhe mundësi të tjera për të thelluar rezultatin, por Benabid në portën marokene u tregua në lartësinë e duhur. Në fund, ndeshja u mbyll me një karton të kuq për Lewis, pas një ndërhyrjeje të ashpër ndaj Obeng.

Me këtë fitore, City merr tre pikët e para në grup, por diferenca e ngushtë e golave mund të jetë vendimtare në vijim të turneut.