Një ngjarje tragjike ka ndodhur në Australi, ku një 28-vjeçar shqiptar ka kryer vetëvrasje.

Mësohet se viktima është Mario Bacaj, i cili u hodh nga kati i tetë i një ndërtese në qendër të Adelaides. 28-vjeçari shqiptar por i rritur në Itali, luante për Klubin e Futbollit “Adelaide Eagles”, të cilët po e prisnin për një ndeshje, por në mes të pasdites shokët e tij të ekipit morën lajmin që nuk e prisnin kurrë.

I riu dyshohet se është hedhur nga çatia e “Bar & Restorantit 2KW” dhe përpjekjet e shpëtimit ishin të kota. Zjarrfikësit, ambulancat dhe policia nxituan menjëherë në vendngjarje, por nuk kishte asgjë që mund të bëhej për futbollistin.

Bacaj, i njohur edhe në Shqipëri për karrierën e tij si lojtar, lë pas gruan e tij dhe djalin e tyre të vogël.