UASHINGTON – Presidenti amerikan Donald Trump ka deklaruar publikisht se Shtetet e Bashkuara janë në dijeni të vendndodhjes së Udhëheqësit Suprem të Iranit, Ajatollah Ali Khamenei, duke shtuar se ai është një “shënjestër e lehtë”, por për momentin nuk ka plan për ta eliminuar.

Në një postim në rrjetin e tij social “Truth Social”, Trump thekson:

“Ne e dimë saktësisht se ku fshihet i ashtuquajturi ‘Udhëheqës Suprem’. Ai është një shënjestër e lehtë, por është i sigurt atje – Ne nuk do ta vrasim! Të paktën jo për momentin.”

Ish-presidenti paralajmëron se durimi amerikan është drejt fundit, duke kërkuar që Irani të ndalojë çdo veprim që rrezikon civilët apo ushtarët amerikanë. Ai thekson se SHBA-të nuk kërkojnë konflikt, por janë të gatshme për çdo skenar.

Në një tjetër postim, Trump bën thirrje për një dorëzim të pakushtëzuar nga Irani, pa dhënë detaje të mëtejshme se çfarë përfshin kjo kërkesë.

Këto deklarata vijnë në një kohë tensionesh të larta në Lindjen e Mesme, ku SHBA dhe Irani vazhdojnë të jenë në një raport të ftohtë diplomatik dhe strategjik.