21 vende arabe dhe islamike bëjnë thirrje për paqe, Kina mbështet deklaratën për zbutjen e tensioneve

Ministrat e jashtëm të 21 vendeve arabe dhe islamike, si Egjipti, Jordania, Emiratet e Bashkuara Arabe, Pakistani, Bahrejni, Turqia, Algjeria, Arabia Saudite, Sudani, Iraku, Omani, Katari, Kuvajti etj., publikuan dje deklaratën e përbashkët mbi konfliktin Izrael-Iran, ku bëhet thirrje për respektimin e sovranitetit dhe tërësisë territoriale të vendeve të tjera dhe zgjidhjen e konfliktit sipas parimeve të miqësisë e fqinjësisë së mirë dhe me mjete paqësore.

Zëdhënësi i MPJ – të Kinës Guo Jiakun, duke folur lidhur me këtë deklaratë, tha se përshkallëzimi i papritur i tensioneve rajonale. ka tërhequr vëmendjen e madhe të bashkësisë ndërkombëtare.

Përparësi kryesore është ndërprerja e zjarrit dhe ndalimi i luftimeve, marrja e masave efektive për të shmangur përshkallëzimin e konfliktit, parandalimi i trazirave më të mëdha në rajon dhe kthimi në rrugën e zgjidhjes politike të çështjes nëpërmjet dialogut dhe negociatave. Ky është konsensusi i përgjithshëm i bashkësisë ndërkombëtare.

Guo Jiakun u shpreh të martën se Kina mirëpret deklaratën e përbashkët të vendeve arabe e islamike dhe vlerëson lart përpjekjet e këtyre vendeve për uljen e tensionit. /noa.al