LEZHË – Një ngjarje e rëndë ka ndodhur mesditën e së hënës në fshatin Balldre të Lezhës, ku një i moshuar ka humbur jetën tragjikisht pasi ka rënë në një shpellë natyrore. Viktima është identifikuar si Preng Mandreaj, banor i zonës.

Sipas informacioneve paraprake, Mandreaj ishte larguar nga banesa dhe nuk ishte kthyer për disa orë, çka shqetësoi familjarët të cilët njoftuan policinë. Pas kërkimeve intensive në zonën përreth, ai u gjet i pajetë brenda një shpelle rreth 20 metra të thellë, e cila ndodhet në një terren malor përballë banesës së tij.

Forcat zjarrfikëse dhe të Policisë së Shtetit mbërritën menjëherë në vendngjarje dhe po punojnë për nxjerrjen e trupit nga thellësia e shpelles. Dyshohet se rënia ka ndodhur aksidentalisht, por hetimet janë në vijim për të përcaktuar me saktësi rrethanat e ngjarjes.