Tiranë- Një moment i tensionuar dhe i ashpër u regjistrua në Kuvend, ku kreu i Grupit Parlamentar të Partisë Demokratike, Enkelejd Bardhi, u përplas ashpër me ministres së Shtetit për Marrëdhëniet me Parlamentin, Elisa Spiropali.

Gjatë diskutimeve për një projektligj, Bardhi i bëri thirrje Spiropalit të mos ndërhynte në fjalën e tij, duke e akuzuar për shkelje të rregullores së Kuvendit:

“Moj zonjë, a ta mbaroj unë? Mos më ndërhyjë në çdo fjalë! Ke marrë huqet e Ermonelës moj. Zonja kryetare të paktën ngrihu në lartësinë e zonjës Nikolla.”

Ai shtoi me ironi dhe kritikë:

“Tani batakun mos ma trego mua. Të vij ministri të japë llogari. Zonja kryetare e Kuvendit, edhe një herë të them se ndoshta ngaqë flisni nuk dëgjoni. Kur shqyrtohet një projektligj, ministri kundërfirmues duhet të jetë i pranishëm në seancë për t’u përgjigjur.”

Ky incident reflekton tensionet në sallën e Kuvendit mes opozitës dhe përfaqësuesve të mazhorancës, teksa debati për rolin dhe përgjegjësitë e ministrave në procesin ligjor vijon të jetë në qendër të diskutimeve.