Seanca e së premtes në gjyqin e Diddy-t kishte më shumë zhurmë jashtë sesa brenda. Arsyeja? Kanye West bëri një hyrje të befasishme dhe të shkurtër në sallën e gjyqit, duke marrë vëmendjen e të gjithëve.

Reperi i famshëm u përshëndet me djalin e Diddy-t, Christian, dhe pas rreth 10 minutash u largua. Gjykata kishte hapur një sallë të veçantë vetëm për të, por Kanye nuk e pa të arsyeshme të qëndronte gjatë.

Nuk dihet saktësisht pse Kanye West hyri në sallën e gjyqit të Diddy-t. Ai nuk ishte thirrur si dëshmitar, nuk ishte përfshirë në çështje ligjërisht dhe qëndrimi i tij zgjati pak.

Disa media spekulojnë se ishte thjesht një gjest mbështetjeje për Diddy-n apo për djalin e tij, Christian, me të cilin Kanye u përshëndet para se të futej brenda. Të tjerë e shohin si një lëvizje publicitare – në stilin tipik të Kanye-s – për të gjeneruar vëmendje.

Ndërkohë, brenda sallës, dëshmitari kryesor ishte ish-asistenti i Diddy-t, Jonathan Perez, i cili foli për të ashtuquajturat “king nights” – termi që stafi i Diddy-t përdorte për “freak-off”-et famëkeqe. Ai tregoi se përgatiste dhomat me mjaltë, lubrifikantë dhe vajra bebeje dhe po, rrëzohej gjatë pastrimit të tyre, ngaqë gjithçka ishte tepër rrëshqitëse. Të hënën, priten të dëshmojnë edhe dy ish-asistentë të tjerë.