Riga-Zhgënjen Shqipëria, kuqezinjtë nuk shkojnë më shumë se sa barazimi 1-1 në Riga ndaj Letonisë, duke humbur 2 pikë tepër të vlefshme, e duke na larguar ndjeshëm nga ëndrra e quajtur “Botëror”.

Rezultat që vjen pak ditë pas barazimit me Serbinë.

Ky barazim, e bën më të vështirë rrugëtimin për ekipin e Silvinjos, në objektivin që është kualifikimi në Botëror.

Vendasit e nisën vrullshëm dhe kishin mundësinë e artë në minutën e 21-të, por Strakosha ia doli të presë penalltinë e Ilaunieks.

Tetë minuta më vonë, Shqipëria mori avantazhin, pas një autogoli të Cernomordijs. Ishte i njëjti lojtar, i cili në fundin e pjesës së parë barazoi shifrat për Letoninë.

Në fraksionin e dytë Shqipëria provoi gjithçka, por nuk ndryshoi dot rezultatin.

Me këtë barazim, Shqipëria mban vendin e dytë me 5 pikë, 1 më shumë se Serbia dhe 4 më pak se Anglia.