SPANJE – Alvaro Morata ka zbuluar se ka marrë kërcënime me vdekje, pasi humbi penalltinë e tij në ndeshjen e Spanjës në finalen e Ligës së Kombeve ndaj Portugalisë të dielën (2-2, 3-5 me penallti).

"Nuk është diçka që e kam përjetuar për shumë vite. Por kam njëfarë përvoje", tha qendërsulmuesi 32-vjeçar për kërcënimet në një intervistë me transmetuesin spanjol "La 1", pasi kishte marrë kërcënime me vdekje edhe pas dy ndeshjeve të para të La Roja në Euro 2021. "Nuk dua të flas, sinqerisht, shpresoj se më kuptoni", shtoi sulmuesi i Galatasarayt.

Alvaro Morata kërcënohet me vdekje, pas humbjes së

Partnerja e sulmuesit spanjol, bashkëshortja Alice Campello, gjithashtu ka marrë kërcënime me vdekje. "Do ta vras ​​burrin tënd nëse e shoh në rrugë, që të fillojë t’i kushtojë vëmendje vendit ku po shkon.

Nuk do ta lë të ia heqë syrin", shkruhej në një mesazh të marrë pas ndeshjes së së dielës, të cilin Campello e zbuloi në televizion. "Njerëzit janë plotësisht të çmendur", tha ajo.