KOLUMBI- Një tërmet i fuqishëm me magnitudë 6.5 të shkallës Rihter ka goditur Kolumbinë ditën e sotme. Sipas të dhënave paraprake, tërmeti ka pasur një thellësi fokale prej vetëm 10 kilometrash, duke bërë që lëkundjet të ndihen në një rreze të gjerë.

Autoritetet po vlerësojnë dëmet e mundshme materiale dhe ndikimin te popullata, ndërsa deri më tani nuk raportohet për viktima. Ndjeshmëria e lartë e lëkundjeve ka shkaktuar panik në disa qytete, ku banorët janë larguar nga banesat për të qëndruar në ambiente të hapura.

Sipas raportimeve fillestare, tërmeti u ndje brenda një rrezeje prej 700 kilometrash, duke prekur 27 milionë njerëz. Banorët në kryeqytet, Bogota, dolën në rrugë të frikësuar, duke pritur informacion nga autoritetet.