Bogota- Kandidati presidencial kolumbian, Miguel Uribe, u qëllua me armë zjarri të shtunën në një tubim në periferi të Fontibón të kryeqytetit Bogota. Pamjet e mediave lokale treguan senatorin 39-vjeçar, i cili kandidon për president, duke mbajtur një fjalim kur dëgjuan të shtëna dhe paniku filloi. Ai u pa më vonë i shtrirë i gjakosur.

Siç raportojnë mediat e huaja, Uribe u qëllua tre herë, dy herë në kokë, ndërsa policia pas të shtënave arrestoi një 15-vjeçar si të dyshuar për sulmin.

Uribe u dërgua me urgjencë në spital dhe gjendja e tij përshkruhet si kritike, sipas një raporti në gazetën La República. "E vranë, e vranë", bërtitën kolegët e tij, duke kërkuar me dëshpërim ndihmë.

#Ultimahora| precandidato a la presidencia de Colombia Miguel Uribe es atacado con disparos durante un discurso que daba en la ciudad de Bogotá. pic.twitter.com/4RP3f5LQx2

— Perspectiva (@Perspectiva503) June 8, 2025

"Miguel po lufton për të mbijetuar. Le të lutemi që Zoti t’i udhëheqë duart e mjekëve që po kujdesen për të", tha gruaja e 39-vjeçarit, Maria Claumont Tarragona.

哥伦比亚右翼总统候选人Miguel Uribe Turbay在哥伦比亚波哥大的一次竞选活动中被枪杀，情况严重。

洛杉矶5年以后就会这样。

https://t.co/cneGZnEZVx

— PW (@Unicorn8kWu) June 8, 2025

Presidenti socialdemokrat i Kolumbisë, Gustavo Petro, e dënoi pa mëdyshje sulmin ndaj Uribes, gjë që e detyroi atë të anulonte udhëtimin e tij të planifikuar në Francë. Ministri i Mbrojtjes Pedro Sanchez e dënoi sulmin dhe njoftoi se autoritetet po ofronin një shpërblim prej rreth 700,000 dollarësh për informacionin që çon në arrestimin e autorit të krimit.

Pak më vonë, kryebashkiaku i Bogotës, Carlos Fernando Galán, njoftoi se "autori është arrestuar". Miguel Uribe vjen nga partia e Qendrës Demokratike, e udhëhequr nga ish-Presidenti Alvaro Uribe, i cili sundoi nga viti 2002 deri në vitin 2010. Tetorin e kaluar, ai njoftoi ambicien e tij për të kandiduar për president në zgjedhjet e vitit 2026 dhe për të pasuar Gustavo Petron, të cilin ai është një kritik i ashpër.