Një ngjarje e rëndë është shënuar këtë të shtunë në fshatin Sovjan të Maliqit, ku një 37-vjeçar është gjetur i vetëvarur nga familjarët e tij në ambientet e një magazine.

Sipas informacioneve paraprake, në trupin e viktimës nuk janë konstatuar shenja dhune, ndërsa nga deklarimet e para të familjarëve thuhet se ai nuk kishte konflikte apo probleme të dukshme që mund ta çonin drejt një akti të tillë tragjik.

Shkaqet që mund të kenë çuar 37-vjeçarin drejt vetëvrasjes mbeten ende të paqarta. Grupi hetimor ndodhet në vendngjarje dhe ka nisur punën për të zbardhur plotësisht rrethanat e kësaj ngjarjeje që ka tronditur komunitetin lokal.