Në prag të sfidës së shumëpritur Shqipëri–Serbi, trajneri serb Dragan Stojkoviç u shfaq i qartë dhe i prerë në deklaratat e tij gjatë konferencës për shtyp në Tiranë. Ai vlerësoi skuadrën kuqezi për paraqitjet e saj në arenën europiane, por theksoi se Serbia nuk ka ardhur për barazim, por vetëm për fitore.

Vlerësim për kundërshtarin: “Mendoj se Shqipëria e ka merituar pjesëmarrjen në Europian. Janë agresivë në fushë dhe kanë lojtarë me kualitet. Strakosha është i shkëlqyer, Gjimshiti po ashtu. Kemi analizuar gjithçka, lojtarët tanë i kanë parë videot dhe kanë informatat e sakta.”

Për përgatitjet dhe objektivat: “Nuk kam dilema për formacionin, nëse gjithçka shkon mirë në stërvitjen e sotme. Kam një ide të qartë. Kemi ardhur në Tiranë vetëm për fitore, nuk llogarisim asgjë tjetër. Do të bëjmë çmos për ta marrë.” Marrëdhëniet jashtë fushës: “Nuk dua të komentoj mbi marrëdhëniet mes Shqipërisë dhe Serbisë. Për mua ka rëndësi vetëm loja dhe sjellja profesionale e lojtarëve.”

🔵 Trajneri serb Stojkoviç mbetet i qetë dhe i përqendruar, duke besuar se skuadra e tij është gati për një ndeshje të fortë ndaj Shqipërisë. Me një qasje të hapur për fitoren dhe vlerësim për kundërshtarin, trajneri nuk lë vend për nënvlerësim, por as për kompromis.

Tani topi kalon te fusha e Air Albania, ku emocioni do të përplaset me ambicien.