Rrogozhinë- Një plagosje e dyfishtë ka ndodhur paraditen e sotme në Rrogozhinë. Mësohet se Shpëtim Osma ka qëlluar me armë zjarri mbi komshiun e tij Sami Disha, për arsye që ende nuk dihen.

Nga të shtënat ka mbetur e plagosur dhe bashkëshortja e Samiut, Nadire Disha. Nga të shtënat me armë, Samiu ka mbetur i plagosur në këmbë, ndërkohë që Nadireja është plagosur në bark.

Sipas informacioneve paraprake, përplasja ka nisur për motive banale dhe është përshkallëzuar deri në përdorimin e armës nga autori, i cili është fqinj me çiftin. Të plagosurit janë dërguar me urgjencë për ndihmë mjekësore, ndërkohë që policia ka shpallur në kërkim autorin e ngjarjes.