E kishit për dietik? Ja pse orizi i bardhë po ju shton peshë në heshtje

Prej vitesh, orizi i bardhë është konsideruar një alternativë "e lehtë" në tavolinë, sidomos kur dikush është në dietë ose nuk ndjehet mirë. Madje, shpesh shoqërohej me një lugë vaj ulliri për ta bërë “më të shëndetshëm”. Por e vërteta është ndryshe.

Në realitet, orizi i bardhë nuk është aspak ushqim dietik, përkundrazi, mund të ndikojë në shtimin e peshës, sidomos nëse konsumohet në sasi të mëdha dhe pa balancë me proteina apo fibra.

Ja çfarë duhet të dini:

🍚 130 kilokalori në vetëm 100 gramë

Kjo është një sasi e konsiderueshme për një karbohidrat të përpunuar, sidomos për dikë që synon të humbë peshë. Por problemi kryesor nuk është vetëm numri i kalorive.

📈 Indeksi glicemik i lartë – deri në 132

Orizi i bardhë ka një indeks glicemik shumë të lartë, që do të thotë se rrit nivelin e sheqerit në gjak shumë shpejt. Kjo shkakton një prodhim të menjëhershëm të insulinës dhe më pas – një rënie të ndjeshme të energjisë, e cila shoqërohet me urinë dhe dëshirë për të ngrënë përsëri.

🍥 Përpunimi i lartë = më pak fibra dhe lëndë ushqyese

Gjatë përpunimit, orizi i bardhë humb pothuajse të gjitha fibrat, vitaminat dhe mineralet e vlefshme që ndodhen te lëvozhga natyrale e kokrrës. Pa këto elementë, trupi e përpunon më shpejt dhe ruan më pak ndjesinë e ngopjes.

—

Pra, çfarë mund të bëni në vend të tij?

✅ Zgjidhni oriz integral, quinoa, elbin, ose bulgurin, të cilët kanë më shumë fibra dhe ndikojnë më pak në sheqerin në gjak.

✅ Nëse nuk hiqni dorë nga orizi i bardhë, kombinojeni me perime dhe proteina për të ngadalësuar përthithjen e tij dhe për të mbajtur energjinë më të qëndrueshme.

—

Këshilla për dietën: Mos u mashtroni nga idetë e vjetra që orizi i bardhë është “i lehtë”. Në realitet, mund të jetë një sabotues i heshtur për peshën dhe metabolizmin tuaj. /noa.al