3 Qershor 2025 | Lindja e Mesme- Tensionet në Lindjen e Mesme janë rritur ndjeshëm pas një sulmi me raketa nga Siria drejt territorit izraelit. Ministri i Mbrojtjes së Izraelit, Israel Katz, ka akuzuar drejtpërdrejt udhëheqësin e ri sirian, Ahmad Al Sharaa, të njohur gjithashtu si Al Jolani, për organizimin e sulmit.

“Ai është përgjegjës direkt për çdo kërcënim dhe lëshim raketash kundër Shtetit të Izraelit. Përgjigja e plotë do të vijë së shpejti,” deklaroi Katz, duke nënvizuar se Izraeli “nuk do të lejojë kthimin në realitetin e 7 tetorit,” një referencë e qartë ndaj sulmit të Hamasit vitin e kaluar.

Sipas raportimeve nga mediat izraelite, raketat siriane përbëjnë një zhvillim të rrezikshëm në një kohë kur rajoni po përballet me tensione të shumanshme.

Sulme edhe nga Jemeni Në një zhvillim paralel, Forcat e Mbrojtjes së Izraelit (IDF) njoftuan se kishin kapur një raketë të lëshuar nga Jemeni, e dyshuar të jetë lëshuar nga grupi Huthi, i cili mbështetet nga Irani.

Deri tani, Shtetet e Bashkuara nuk kanë reaguar zyrtarisht lidhur me valën e re të sulmeve ndaj Izraelit nga fqinjët e tij rajonalë.