Tiranë, 3 qershor 2025 – Në vitin akademik 2023-2024, vajzat dominojnë në numrin e studentëve të diplomuar në arsimin e lartë, duke përbërë 65.8% të totalit prej 28,193 të diplomuarish, sipas të dhënave të Institutit të Statistikave.

Fushat më të preferuara nga vajzat janë “Biznes, administrim dhe ligj” (25.9% e të diplomuarve femra), “Shkenca sociale, gazetari dhe informacion” (83% vajza), “Shkenca arsimi” (81.7%) dhe “Shëndet dhe mirëqenie” (78.9%). Ndërkohë, djemtë kanë preferuar më shumë “Inxhinieri, prodhim dhe ndërtim” (25.2% meshkuj), “Teknologji e informacionit dhe komunikimit” dhe “Shërbime”.

Rritja më e madhe e të diplomuarve është regjistruar në fushat “Inxhinieri, prodhim dhe ndërtim” dhe “Shëndet dhe mirëqenie”, të cilat lidhen edhe me kërkesën e lartë në tregun e punës.

Në vitin akademik 2023-2024 u diplomuan 28,193 studentë, prej të cilëve 18,555 ishin femra, ose 65.8% e numrit të përgjithshëm të të diplomuarve.

Nga statistikat shihet se fusha “Biznes, administrim dhe ligj” është më e preferuara nga vajzat, ndërsa “Inxhinieri, prodhim dhe ndërtim” është më e preferuara nga djemtë.

Në vijim, disa shifra nga statistikat e të diplomuarve sipas fushave dhe gjinive:

Fusha Vajza Djem Shkenca arsimi 1,867 418 Arte dhe shkenca humane 1,488 442 Shkenca sociale, gazetari dhe informacion 2,211 454 Biznes, administrim dhe ligj 4,808 2,080 Shkenca natyrore, matematikë dhe statistikë 518 152 Teknologji e informacionit dhe komunikimit 991 1,271 Inxhinieri, prodhim dhe ndërtim 1,421 2,431 Bujqësi, pyje, peshkim dhe veterinari 383 362 Shëndet dhe mirëqënie 4,462 1,191 Shërbime 406 837

Në përgjithësi, fushat e biznesit dhe inxhinierisë vazhdojnë të jenë ndër më të preferuarat, duke reflektuar tendencat e tregut të punës dhe interesat e studentëve.