Tiranë- Sali Berisha paraqitet në SPAK në kuadër të masës “detyrim paraqitje”

Kryetari i Partisë Demokratike, Sali Berisha, është paraqitur ditën e sotme në ambientet e Prokurorisë së Posaçme (SPAK), në zbatim të masës së sigurisë “detyrim për t’u paraqitur”.

Kjo është një nga paraqitjet e radhës së kryedemokratit në kuadër të hetimeve mbi çështjen e privatizimit të ish-kompleksit sportiv “Partizani”, për të cilën Berisha është nën hetim nga autoritetet e drejtësisë.

Jashtë ambienteve të SPAK, Berisha është përshëndetur nga mbështetës të tij, të cilët ishin të pranishëm në shenjë solidariteti. Në mesin e tyre ndodheshin edhe figura drejtuese të Partisë Demokratike.

Grupi hetimor vijon punën mbi çështjen, ndërsa Berisha deri më tani ka mohuar çdo akuzë, duke e konsideruar këtë proces si politikisht të motivuar.