Vlorë – Si pasojë e aksidentit, ka ndërruar jetë shtetasi Luan Llanaj, 19 vjeç, ndërkohë që shtetasi Tomor M. është dërguar në spital për ndihmë mjekësore

Vlorë, 1 qershor 2025 – Një aksident tragjik ka ndodhur pasditen e sotme në rrugën “Demokracia”, pranë zonës së njohur si “Pusi i Mezinit”, ku një motomjet ka dalë nga rruga dhe është përplasur me një shtyllë elektrike.

Sipas burimeve paraprake nga Policia, dy shtetas po udhëtonin me motomjet kur dyshohet se kanë humbur kontrollin e drejtimit, duke përfunduar jashtë rruge dhe më pas u përplasën me një shtyllë.

Si pasojë e përplasjes së fortë, ka ndërruar jetë në vendngjarje shtetasi Luan Llanaj, 19 vjeç, ndërsa pasagjeri tjetër, Tomorr M., është transportuar në spital për ndihmë mjekësore.

Grupi hetimor ndodhet në vendin e ngjarjes dhe po punon për zbardhjen e plotë të rrethanave, si dhe për përcaktimin se kush nga të dy udhëtonte si drejtues i motomjetit në momentin e aksidentit. /noa.al

Foto: Pamje në vendngjarje