Një aksident i rëndë rrugor ka ndodhur në aksin Kukës–Milot, në vendin e quajtur ura e “Drinit të Zi”.

Sipas informacionit paraprak, automjeti me drejtues shtetasin B. K., 54 vjeç, banues në Kosovë, ka përplasur një këmbësor, M. Zh., rreth 63 vjeç, banues në Kukës, i cili ka qenë duke kaluar trafikndarësen.

I dëmtuari është transportuar në gjendje të rëndë për mjekim të specializuar në Spitalin e Traumës në Tiranë.

Drejtuesi i automjetit është shoqëruar në Komisariatin e Policisë, ku po kryhen veprimet procedurale për sqarimin e rastit.

Grupi hetimor vijon punën për zbardhjen e plotë të rrethanave dhe shkaqeve të aksidentit. /noa.al