Finalizohet operacioni policor “END”, kapet i shumëkërkuari për vrasje

Tiranë – Policia e Komisariatit Nr. 3 në Tiranë ka finalizuar me sukses një tjetër operacion për kapjen e personave në kërkim, me rrezikshmëri të lartë shoqërore.

Operacioni i koduar “END” çoi në arrestimin e Klement Zguro (i njohur dhe si Kaçolli), 43 vjeç, banues në Tiranë, i shpallur në kërkim për vrasje me dashje dhe armëmbajtje pa leje.

Arrestimi u krye në rrugën “Mikel Maruli”, pas një hetimi intensiv dhe mbledhjes së informacioneve operative.

Zguro ishte dënuar nga Gjykata e Apelit Korçë me 11 vite burg, nga të cilat i mbeten edhe 8 vite e 11 muaj për t’u vuajtur.

Pas arrestimit, ai iu dorëzua strukturave të Drejtorisë Vendore të Policisë Korçë për vijimin e procedurave të mëtejshme ligjore. /noa.al