Edmond Gjoci, 39 vjeç, me origjinë shqiptare dhe banues në Tuoro sul Trasimeno (provinca Perugia), humbi jetën mëngjesin e sotëm pasi u përplas nga një automjet në rrugën rajonale 71, në zonën Il Riccio, në territorin e komunës Cortona (Arezzo).

Sipas të dhënave paraprake, Edmondi – baba i një vajze – po priste një koleg për t’u nisur drejt vendit të punës kur u godit nga një makinë e drejtuar nga një 19-vjeçar i zonës, i cili sapo kishte marrë patentën. Aksidenti ndodhi në orën 07:44 të mëngjesit.

Sipas konstatimeve të para të karabinierëve, i riu ka humbur kontrollin e mjetit për shkaqe ende të paqarta. Testi i alkoolit ka rezultuar negativ.

Ndihma e shpejtë mbërriti me autoambulancë, automjek dhe helikopter, por për Edmond Gjocin nuk pati më asgjë për të bërë – ai kishte ndërruar jetë në vendngjarje.

Aksidenti shkaktoi ngadalësim të qarkullimit në zonë. Hetimet për të zbardhur plotësisht rrethanat e ngjarjes janë në vijim. /noa.al