Fier, 29 maj 2025 – Një aksident me pasojë vdekjen ka ndodhur mëngjesin e sotëm rreth orës 10:00 në zonën e njohur si “Zogu i Zi” në Fier. Një automjet i drejtuar nga shtetasi E. D., 23 vjeç, ka përplasur këmbësorin V. F., 82 vjeç, i cili për fat të keq ka ndërruar jetë në vendngjarje.

Menjëherë pas aksidentit, drejtuesi i mjetit është shoqëruar në Komisariatin e Policisë Fier, ku po kryhen veprimet procedurale në lidhje me rastin.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit dhe përcaktimin e shkakut të tij. Autoritetet bëjnë thirrje për kujdes të shtuar në rrugë, si për drejtuesit e mjeteve, ashtu edhe për këmbësorët, për të shmangur tragjedi të tilla.