Aksident tragjik në Kurbin, humb jetën një këmbësor – drejtuesi i makinës largohet nga vendngjarja

Një ngjarje tragjike është regjistruar paraditen e sotme në aksin rrugor “Mbikalimi i Patokut – Laç”, ku një automjet ende i paidentifikuar ka përplasur për vdekje një këmbësor.

Sipas informacioneve paraprake, viktima është shtetasi F. H., 59 vjeç, i cili po lëvizte në këmbë kur u godit nga makina. Ai është transportuar me urgjencë drejt spitalit rajonal të Kurbinit, por fatkeqësisht ka ndërruar jetë gjatë rrugës.

Drejtuesi i mjetit është larguar menjëherë nga vendngjarja pa dhënë ndihmë dhe pa u identifikuar.

Grupi hetimor, nën drejtimin e Prokurorisë, po punon për të zbardhur ngjarjen, për të identifikuar dhe vënë në pranga autorin e dyshuar, si dhe për të sqaruar plotësisht rrethanat e aksidentit. /noa.al