Pesë persona mbetën të plagosur të martën pasdite në një incident me armë zjarri në një qendër tregtare në Waterbury, Connecticut, kur një debat mes disa individëve u përshkallëzua në dhunë.

Sipas autoriteteve, të shtënat ndodhën rreth orës 16:40 dhe nuk ishin një akt dhune i rastësishëm. Viktimat u dërguan menjëherë në spitale lokale, ndërsa deri tani nuk raportohet për viktima në jetë, raportoi NBC Connecticut.

Policia identifikoi autorin si një mashkull rreth të 20-ave, i armatosur me një pistoletë gjysmë-automatike. Një person i interesuar është ndaluar, ndërsa hetimet po vazhdojnë në bashkëpunim me policinë shtetërore, FBI-në dhe ATF-në.

Pamje të publikuara në rrjet tregojnë panik dhe momente tmerri brenda qendrës tregtare, ku shumë qytetarë u strehuan në vend.

Guvernatori i Connecticut, Ned Lamont, reagoi duke shprehur dhimbjen për viktimat dhe komunitetin e Waterbury, duke theksuar se vendet publike duhet të jenë të sigurta për të gjithë.