Partia Demokratike ka ankimuar në Komisionin e Ankesave dhe Sanksioneve vendimin e KQZ-së për certifikimin e rezultatin në qarkun Berat.

PD kërkon pavlefshmëri të gjithë rezultatit zgjedhor. Po ashtu, PD kërkon zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore të këtij qarku.

Kujtojmë se më herët PD ka ankimuar dhe rezultatin në qarkun e Kukësit, ku u shpall forcë e parë. Në ankimin ka akuza për blerje votash, tjetërsim vote të diasporës apo manipulime në favor të mazhorancës, edhe pse ne këtë qark PD mori dy mandate, ndërsa PS 1 mandat.