Plagosje me armë zjarri në Marikaj, 40-vjeçari përfundon në spital – i sekuestrohet pushkë pa leje

Vorë – Një ngjarje e rëndë ka ndodhur në orët e para të mëngjesit të sotëm në fshatin Marikaj të Vorës. Rreth orës 03:30 të datës 26 maj 2025, është paraqitur në spital për ndihmë mjekësore shtetasi Elton Andreica, 40 vjeç, i cili dyshohet se është plagosur me armë zjarri në këmbë, brenda banesës së tij.

Burime zyrtare bëjnë me dije se i plagosuri ndodhet në spital, nën kujdesin e mjekëve, ndërsa nuk jepen të dhëna për gjendjen e tij shëndetësore.

Gjatë veprimeve të para hetimore, policia ka sekuestruar në cilësinë e provës materiale një armë zjarri tip pushkë, e cila dyshohet të jetë në pronësi të vetë 40-vjeçarit dhe e mbajtur pa leje.

Grupi hetimor vijon punën për zbardhjen e rrethanave dhe motivit të ngjarjes, raporton noa.al.