Mes shumë VIP-ave të pranishëm në “Çmimin e Madh” të Monaco në Formula 1 ishte edhe ish-mbrojtësi i Juventusit dhe i kombëtares franceze, Patrice Evra. Duke folur për mikrofonat e “Sky Sport”, ai fillimisht dha një urim për Ferrarin: "Shpresoj që Ferrari të rikthehet aty ku e ka vendin".

Duke qenë në prag të finales së Ligës së Kampionëve mes PSG dhe Interit, francezi shtoi: "Nëse nuk gjendem duke udhëtuar rreth e rrotull botës, të shtunën mund të jem i pranishëm në stadium për finalen".

I pyetur më pas për Juventusin, Evra tha: "Del Piero në pankinën e Juves? Alex është një legjendë, një person i mirë. Tifozët thonë se njerëz si ai dhe unë duhet të kthehen në klub. Ne kemi zjarrin e vërtetë…"