GREQI- Një 39-vjeçare është shpallur në kërkim nga autoritetet greke pasi ajo grabiti një grua të moshuar në Aigio. Mësohet se policia ka nisur hetimet për të kapur 39-vjeçaten e cila ishte punëtore shtëpiake që kujdesej për të moshuarën që i mori paratë.

Fëmijët e 90-vjeçares kanë denoncuar rastin pasi zbuluan se ajo kishte tërhequr shumën prej 30,000 eurosh nga llogaria bankare e së moshuar. Punëtorja kujdesej si për gruan 90-vjeçare ashtu edhe për njërin nga djemtë e saj, i cili vuan nga probleme shëndetësore.

“E akuzuara, nga maji i vitit 2024 deri në janar të këtij viti, duke punuar si ndihmëse shtëpiake për një grua të moshuar dhe djalin e saj që ka probleme mendore, u mori kodet e kartave bankare dhe tërhoqi prej tyre shumën prej 30,000 eurosh me këste”, thotë policia helene.