“E përndiqte vazhdimisht” – 42-vjeçari në Korçë procedohet për përndjekje ndaj një 29-vjeçareje

Korçë – Një rast i dyshuar për përndjekje është regjistruar në qytetin e Korçës, ku një 42-vjeçar është vënë nën procedim penal nga Policia pas kallëzimit të një 29-vjeçareje.

Sipas njoftimit zyrtar, Specialistët për Hetimin e Krimeve pranë Komisariatit të Policisë Korçë kanë referuar materialet në Prokurorinë e Juridiksionit të Përgjithshëm, ndaj shtetasit D. R., banues në Korçë, pasi dyshohet se ka ndjekur në mënyrë të vazhdueshme dhe shqetësuese të renë, duke cënuar qetësinë dhe sigurinë e saj personale.

Materialet janë tashmë në dorë të Prokurorisë, e cila pritet të vijojë me hetimet dhe veprimet ligjore për zbardhjen e plotë të ngjarjes. /noa.al