Me një ndjesi dhimbjeje të thellë, Florenc Kavilopulli ka ndarë lajmin e hidhur për ndarjen nga jeta të mikut të tij të afërt, Artan Lame.

Në një mesazh prekës, ai shkruan:

"🕊️ Lamtumirë miku im…

Sot, para pak minutash u nda nga jeta një mik i rrallë, një shpirt i madh.

Një njeri që jetoi me mendje të hapur dhe zemër të bardhë.

Publicist i përkushtuar, historian i pasionuar, koleksionist i kujtesës sonë. Por mbi të gjitha, një njeri i ndershëm, një mik i pazëvendësueshëm dhe një familjar i dashur.

Mirënjohje për gjithçka që ndave me ne Tan. Do të na mungosh pafund."

Lame, i njohur për kontributin e tij në fushën e historisë urbane dhe për angazhimin si publicist e drejtues institucionesh, la pas vetes një trashëgimi të pasur shpirtërore dhe intelektuale.

Ndarja e tij nga jeta është një humbje e ndjeshme për komunitetin intelektual dhe për të gjithë ata që e njohën nga afër.

Ngushëllime familjes, miqve dhe gjithë atyre që ndanë jetën me të.