Çdo ditë sjell një frymë të re nga yjet, por kjo e mërkurë shfaq një kombinim të fortë emocionesh, energjish dhe vendimesh që nuk mund të shtyhen.

Dashuria kërkon qartësi, puna kërkon veprim, ndërsa trupit i duhet pushim.

Lexoni më poshtë çfarë rezervojnë yjet për secilën shenjë në këtë përkthim ekskluziv nga noa.al.

Dashi

Po përjeton ditë të zjarrta, të mbushura me energji pozitive dhe mundësi të shumta

Jo vetëm që ke planetë në favor, por brenda javës së ardhshme pritet një kulmim i fuqishëm energjish. Kjo do të thotë se ke shansin ideal për të përfunduar projekte që të qëndrojnë në zemër. Deri në fund të majit mund të përmbushësh aktivitete të rëndësishme si në fushën profesionale, ashtu edhe në atë personale. Nëse ke bërë kërkesat e duhura, përgjigjet janë në prag. Ndikimi i Marsit ndikon fuqishëm në sferën e ndjenjave – është vështirë të mos tërhiqesh nga një pasion i papërmbajtshëm. Fokuso energjinë te njerëzit që të pasurojnë shpirtërisht dhe të mbështesin, e jo tek ata që nuk e kthejnë interesin. Edhe pse loja e “gjuetarit” mund të të duket më argëtuese, është koha për zgjedhje të qarta. Ndiq instinktin. Çdo vendim, prerje apo kthesë duhet bërë përpara datës 9 qershor – më pas disa raste mund të veniten ose planet të ndryshojnë.

—

Demi

Prej muajsh po ndjen një erë të re në jetën tënde – ndryshimet janë reale dhe të thella

Brenda këtij viti shumë gjëra kanë lëvizur. Rruga jote është ndikuar nga faktorë si mosha dhe rrethanat, por mbi të gjitha nga një dëshirë e fortë për transformim. Kjo energji e brendshme të shtyn të kërkosh rrugë të reja dhe marrëdhënie më përmbajtësore. Megjithatë, ka edhe tension: ndihesh i mbingarkuar emocionalisht dhe Marsi në kundërshtim nxit nervozizëm. Marrëdhëniet që kanë lindur keq ose janë ndikuar nga faktorë të jashtëm mund të vështirësohen. Lajmi i mirë është se dashuria rikthehet në plan të parë me hyrjen e Afërditës në shenjën tënde në qershor. Do të duhet të sqarosh përfundimisht nëse një lidhje funksionon apo jo.

—

Binjakët

Nën një qiell të ngarkuar por potencialisht interesant, sot mund të ndjesh lodhje, pesimizëm dhe konfuzion

Energjia jote është më e ulët se zakonisht dhe ndoshta ndihesh i shpërqendruar, i paqartë në vendime dhe me mungesë informacioni për çështje të rëndësishme. Kjo ndjesi lidhet me lodhjen, një udhëtim të vështirë ose grindje të vogla. Megjithatë, nga java tjetër, Hëna dhe Dielli do të ndriçojnë shenjën tënde, duke sjellë më shumë gjallëri dhe shanse të reja. Sot është mirë të mos marrësh vendime të rëndësishme dhe të shmangësh debatet, sidomos në dashuri. Mos fsheh emocionet – përballu me to me sinqeritet.

—

Gaforrja

Kjo është një periudhë ku angazhimi dhe vendosmëria shpërblehen

Me Jupiterin që do të hyjë në shenjën tënde më 9 qershor, mundësitë për të avancuar në planin profesional do të bëhen më konkrete. Sidomos nëse je i ri dhe dëshiron të investosh në vetvete, ky është momenti yt. Ke kreativitet dhe kapacitet për t’u shquar. Kush ka punuar fort më parë, tani mund të marrë njohjen e merituar. Në dashuri, situata është më e ndërlikuar. Marrëdhëniet kanë kaluar trazira dhe edhe çiftet e qëndrueshme mund të kenë nevojë për një riorganizim të jetës familjare. Planet për martesë ose bashkëjetesë janë aty, por përballen me sfida ekonomike dhe praktike. Sot Hëna është në krahun tënd dhe të ndihmon të kthjellosh mendimet.

—

Luani

Dita nis mirë dhe yjet janë në anën tënde – mundësi të reja dhe fitore të mëdha janë në horizont

Veçanërisht në fund të majit dhe gjatë javës së ardhshme, ka një përqendrim të rëndësishëm planetësh që sjellin mbështetje të madhe për projekte që ke pritur me kohë. Kjo është një periudhë ku energjitë rikthehen dhe krijohet një atmosferë pozitive që favorizon fillime të reja, suksese në studime, vendime të mëdha dhe rikthim të motivimit. Sidoqoftë, duhet të kesh kujdes me Marsin që ndodhet në shenjën tënde – ndonëse jep forcë, mund të sjellë edhe nervozizëm dhe lodhje, sidomos nëse ke punë të lodhshme fizike. Kujdesu për trupin tënd dhe gjej ekuilibrin mes veprimit dhe pushimit.

—

Virgjëresha

Gjërat janë më të qarta se më parë – të paktën tani e di çfarë sfidash duhet të përballosh

Projektet që ke menduar po marrin formë. Dy muajt e fundit kanë qenë të turbullt në punë, por tani mjegulla po shpërndahet. Kjo është periudha e duhur për t’iu kthyer dashurisë dhe lidhjeve ndërpersonale. Një miqësi e re mund të kthehet në diçka më shumë dhe të sjellë gëzim. Megjithatë, Hëna kundër sot sugjeron të mos veprosh me nxitim. Mund të ndihesh në pritje të një lajmi apo me nerva të tendosur – për këtë arsye shmang konfliktet për disa ditë. Nëse dashuria ka qenë burim mërzie, muaji qershor do të sjellë përmirësime. Beqarët mund të kenë një takim të veçantë, ndërsa të tjerët do të gjejnë ngushëllim pas një periudhe të vështirë.

—

Peshorja

Ditë e çuditshme në sferën e ndjenjave

Ndjesia është sikur dashuria të jetë e kufizuar në kohë, ose ndoshta personi që dëshiron është i paarritshëm. Kjo situatë të bën të ndihesh i hutuar, por mos harro se me ardhjen e qershorit, ndikimi kundërshtues i Afërditës do të mbarojë. Deri atëherë, shfrytëzo sa mundesh praninë e Jupiterit në një pozicion që favorizon karrierën. Megjithatë, në punë mund të ndihesh i mërzitur apo në konflikt me mjedisin. Marrëdhëniet me bashkëpunëtorët dhe shefat mund të bëhen të tensionuara. Njerëzit përreth nuk janë të qartë në qëllimet e tyre dhe kjo të shtyn të mendosh të largohesh nga disa prej tyre. Vendimet që do marrësh në javët në vijim do të jenë vendimtare për të kuptuar si të ecësh përpara.

—

Akrepi

Hëna në pozicion të favorshëm sot sjell rikthim të forcës dhe vendosmërisë

Marsi ka ndikuar rëndë së fundmi dhe sidomos tre ditë më parë mund të kesh ndjerë tension dhe nervozizëm të fortë. Ndonjëherë ndihesh sikur jeton ditë pas dite, duke i shmangur provokatorët sa mundesh. Por shiko përpara: së shpejti, falë Jupiterit, do të ndjesh një rigjallërim që do të të shtyjë përpara. Do të lirohesh nga pengesat dhe ndërlikimet personale. Në dashuri, shmang situatat e vështira dhe ruaj qetësinë me të afërmit. Marrëdhëniet familjare janë ende delikate dhe kërkojnë durim.

—

Shigjetari

Hëna e trazuar sjell një ditë të ngadaltë dhe konfuzion emocional

Mund të ndihesh sikur po përpiqesh të bësh shumë gjëra njëkohësisht. Vëzhgo mirë çdo ngjarje që ndodh gjatë këtyre ditëve dhe veçanërisht deri në fund të majit. Kam paralajmëruar për përfundime apo ndërprerje marrëdhëniesh – tani ato janë afër. Java e ardhshme sjell nervozizëm dhe një zgjedhje të vështirë përpara. Në dashuri është moment kritik dhe duhet kujdes në menaxhimin e ndjenjave. Në punë, ndryshimet do të ndodhin më shumë nga qershori. Për tani është një fazë kalimtare me shumë dyshime: “Çfarë të bëj? Ku të shkoj? Kujt t’i besoj?” – janë pyetje të natyrshme. Më shumë qartësi do të vijë shumë shpejt.

—

Bricjapi

Marrëdhëniet me të tjerët – profesionale apo personale – kërkojnë vlerësim të thellë dhe kujdes

Nuk i pranon lehtë gjërat që të imponohen dhe kjo është normale për natyrën tënde kritike. Me Jupiterin që së shpejti do të jetë në kundërshtim, është koha për të “prerë degët e thata”. Kjo nuk do të thotë të mbyllësh çdo derë, por të rishikosh cilat lidhje vlejnë dhe cilat jo. Në punë ka tensione dhe frikë nga gabimet. Në dashuri, marrëdhëniet e reja janë nën lupën e dyshimit, ndërsa për çiftet e konsoliduara është koha për të rishikuar kushtet e lidhjes, sidomos nëse puna ka krijuar distancë. Mendo mirë mbi nevojën për të shprehur ndjenjat pa u penguar nga pasiguritë.

—

Ujori

Kujdes me shpenzimet – Hëna ndikon drejtpërdrejt në sektorin financiar

Mund të përballesh me shpenzime të papritura ose të zbulosh se ke harruar ndonjë faturë. Mund të ketë vonesa në të ardhurat apo detyrime fiskale. Qetësohu dhe bëj një bilanc të hollësishëm të financave. Në dashuri, ndjenjat mund të bëhen më intensive – por ti nuk e duron dot ngjitjen emocionale apo mungesën e mirëkuptimit nga partneri. Nëse ndihesh i mbytur në një lidhje, muajt në vijim do të të detyrojnë të bësh qartësi. Për punën, java tjetër sjell zhvillime pozitive falë një konfigurimi të favorshëm planetësh. Projektet dhe planet marrin bekimin e yjeve.

—

Peshqit

Kur Hëna është në shenjën tënde, ndjeshmëria arrin kulmin – ndjen gjithçka më thellë

Ke një forcë të brendshme emocionale që të ndihmon të përballosh sfidat me përzierje instinkti dhe vendosmërie. Mos ki frikë të largosh nga jeta ata që të pengojnë apo të lodhin në rrugën tënde drejt qëllimeve. Lajme të mira janë pranë: shumë shpejt Jupiteri do të ndalë ndikimin negativ dhe do të sjellë mundësi të reja në dashuri dhe punë. Edhe ata që presin një përgjigje do të marrin konfirmime. Vlerëso mirë kush është me ty dhe kush jo. Nëse ke ndryshuar ambient pune, shkollë apo shtëpi – tani fillon një periudhë përshtatjeje dhe pozitiviteti. /noa.al