Të dashur miq të yjeve, dita e sotme është e bekuar nga një aspekt i rrallë dhe i fuqishëm: Dielli ndriçon me qëllim të qartë planetin Saturn – simbol i strukturës, durimit dhe rezultateve afatgjata.

Është dita e duhur për të konkretizuar atë që keni ndërtuar me mund, për të hedhur themele të forta dhe për të dëgjuar zërin e arsyes.

Shpirti punëtor i Saturnit bashkohet me shkëlqimin jetësor të Diellit – një mundësi e artë për çdo shenjë. Lexoni më poshtë për të mësuar se çfarë ju sjell kjo e martë e fuqishme:

Dashi (21 mars – 19 prill)

Prekja e fundit në kryeveprën tënde

Nëse je në përfundim të një projekti krijues apo artistik, kjo është dita e përkryer për të vendosur detajet e fundit dhe për të përmirësuar gjithçka me dorë të sigurtë. Dielli bashkëpunon me Saturnin dhe të dhuron fokus të jashtëzakonshëm. Jep maksimumin tënd – jo 100, por 110 për qind. Para se ta shfaqësh punën tënde në publik, merr një mendim nga një mik i afërt: një sy i dytë mund të të ndihmojë të arrish përsosmërinë.

—

Demi (20 prill – 20 maj)

Fundi i një rruge, fillimi i një fitoreje

Kjo është dita ideale për të përmbyllur një qëllim afatgjatë që ke ndjekur me këmbëngulje. Saturni në fokus nën dritën e Diellit të jep qartësi dhe vullnet për të ecur drejt përfundimit të një procesi të rëndësishëm. Bëj një plan të thjeshtë, hap pas hapi – do të ndihmojë që rruga përpara të jetë më e qartë. Saturni do të largohet nga shtëpia jote e qëllimeve për pak ditë, ndaj mos vono: por mos harro, durimi është arma më e fortë sot.

—

Binjakët (21 maj – 20 qershor)

Përgatitu për të shkëlqyer

Nëse ke një intervistë pune, një takim me një epror apo një paraqitje të rëndësishme, kjo është dita për t’u përgatitur me kujdes. Mos lër gjithçka për në fund – studio mirë kush është përballë teje dhe çfarë kërkon të arrish. Sjellja profesionale është çelësi: veshja, gjuha, qëndrimi. Dielli në lidhje me Saturnin të ndihmon të paraqitesh si i aftë, i qetë dhe i besueshëm. Tani është momenti yt për të lënë përshtypje të fortë.

—

Gaforrja (21 qershor – 22 korrik)

Dëshira për dije dhe kthimi në shkollë

Nëse po mendon të vazhdosh studimet apo të regjistrohesh në një kurs të ri, kjo ditë është për ty. Dielli ndriçon rrugën e Saturnit dhe të jep vendosmërinë e nevojshme për të ecur përpara. Do të ndjesh etje për të mësuar, për të përvetësuar njohuri dhe për t’u thelluar në një fushë që të pasionon. Kujdes, megjithatë: mos i ngarko vetes më shumë se ç’mund të përballosh, sepse mund të ndjesh lodhje nëse i kërkon gjithçka vetes menjëherë.

—

Luani (23 korrik – 22 gusht)

Investimi i zgjuar është thesari i së ardhmes

Nëse dëshiron të përmirësosh financat, sot është dita për të bërë një vlerësim të kujdesshëm. Dielli bashkëpunon me Saturnin dhe të ndihmon të dallosh vendimet e zgjuara nga ato të nxituara. Mos investo me nxitim, pasi një detaj i vogël mund të ndryshojë gjithçka. Prit momentin e duhur, analizojë me kujdes dhe, nëse ke këshilltar financiar, dëgjoje. Rruga drejt qëndrueshmërisë ekonomike nis sot, me hap të sigurt.

—

Virgjëresha (23 gusht – 22 shtator)

Në dashuri lind diçka e përjetshme

Nëse ke menduar për të bërë një hap të madh në dashuri – si për shembull një martesë – kjo është dita për ta konkretizuar. Lidhjet që krijohen sot, ose që marrin një drejtim të ri, kanë bekimin e Saturnit për të qenë të forta dhe të qëndrueshme në kohë. Ky aspekt krijon thellësi, durim dhe bashkëpunim të sinqertë midis jush dhe partnerit. Dielli ndriçon marrëdhënien tuaj dhe ndihmon në ndërtimin e një bashkëjetese të harmonizuar.

—

Peshorja (23 shtator – 22 tetor)

Organizimi është çelësi që hap qetësinë mendore

Gjatë ditës, mund të ndihesh e/e mbingarkuar nga shumë detyra të vogla që presin vëmendjen tënde. Mos lejo që kjo të të rrëmbejë qetësinë. Zgjidhja është e thjeshtë: merr një bllok apo përdor një aplikacion dhe shkruaji të gjitha në një listë. Kur i sheh detyrat në letër, ato humbasin fuqinë e tyre stresuese. Fokusoji një e nga një, dhe mos u mundo të bësh gjithçka menjëherë. Përndryshe, do të lësh pas dore cilësinë që ti vlerëson aq shumë.

—

Akrepi (23 tetor – 21 nëntor)

Koha për të treguar çfarë fsheh në thellësi

Ke punuar fort për të përmirësuar një aftësi apo për të ndërtuar një projekt të veçantë? Kjo është dita ku pasioni yt merr krahë. Me Saturnin në shtëpinë e krijimtarisë dhe Diellin që e ndriçon, gjithçka që krijon sot ka potencial të jetë art i vërtetë. Mos u ndal! Sfido veten: dil para njerëzve, merr pjesë në një ekspozitë apo ndaje punën tënde me botën. Nuk është koha për të fshëhur dritën që ke brenda.

—

Shigjetari (22 nëntor – 21 dhjetor)

Shtëpia e ëndrrave fillon të marrë formë

Sot është dita për të nisur seriozisht planet e rikonstruksionit ose përmirësimit të shtëpisë. Saturni, ndërtuesi i madh, bashkohet me Diellin dhe të ndihmon të shohësh qartë çfarë do në ambientin tënd. Mund të konsultohesh me një dizajner interiori, ose të ulesh me partnerin për të përpiluar një listë të plotë dëshirash. Mos lini jashtë asnjë detaj, sepse ajo që tani duket si projekt, shumë shpejt mund të jetë realiteti juaj i përditshëm.

—

Bricjapi (22 dhjetor – 19 janar)

Fjalët e përgatitura kanë peshë dhe ndikim

Nëse duhet të mbash një prezantim në punë apo të flasësh përpara kolegëve dhe drejtuesve, mund të ndjesh pak pasiguri. Por mos u tremb. Dielli dhe Saturni janë në harmoni të plotë, dhe të japin fuqi, stabilitet dhe aftësinë për të shkëlqyer me profesionalizëm. Sa më mirë të përgatitesh dhe të stërvitësh fjalimin tënd, aq më shumë do të fitosh respektin dhe vëmendjen e të tjerëve. Përpjekja jote sot, do të shpërblehet nesër.

—

Ujori (20 janar – 18 shkurt)

Koha për të ndërtuar sigurinë financiare

Kjo është dita perfekte për të rishikuar financat dhe për të vendosur themele më të forta për të ardhmen. Dielli nxit Saturnin që të të ndihmojë me vizion të kthjellët dhe vendime të mençura. Pyet këshilltarin financiar për mënyra se si mund të kursesh dhe të rritësh fitimet. Edhe nëse e bën vetë këtë analizë, je i/e mbështetur nga yjet për të bërë zgjedhje të zgjuara. Mos u tremb nga shifrat – je më i/e zonja seç mendon.

—

Peshqit (19 shkurt – 20 mars)

Rikthimi i energjisë së brendshme

Pas një periudhe kur mund të jesh ndier paksa i/e lodhur apo pa gjallëri, sot e ndjen veten si i/e rilindur. Dielli ndriçon Saturnin që udhëton në shenjën tënde, duke të dhënë forcë fizike dhe qartësi shpirtërore. Nëse ende ndihesh i/e përgjumur, provo disa ushtrime të lehta në mëngjes, ose bëj një vrap të shkurtër me një mik. Kjo do të ngrejë humorin dhe do të të japë vrullin e nevojshëm për të përballuar ditën me energji të re. /noa.al