Të dashur lexues, kjo e hënë hap javën me një qiell që favorizon organizimin, vendosmërinë dhe qartësinë. Dielli në shenjën e Binjakëve nxit komunikimin, idetë dhe lëvizjet e shpejta mendore, ndërsa Hëna në Virgjëreshë na thërret të merremi me detajet, të pastrojmë dhe të rregullojmë si brenda vetes ashtu edhe jashtë saj.

Është dita ideale për të bërë plane, për të folur qartë dhe për të vendosur rregull në jetën tonë emocionale dhe praktike.

Le të zbulojmë çfarë parashikojnë yjet për çdo shenjë të zodiakut.

Dashi (21 mars – 20 prill)

Energjikë, por me një prirje për nxitim, kjo e hënë kërkon prej jush më shumë durim dhe organizim. Hëna ju nxit të përqendroheni te detajet dhe të zgjidhni një çështje pune që ka mbetur pezull. Mos u nxitoni të impononi mendimin tuaj, sidomos në marrëdhënie personale – një fjalë e butë ka më shumë ndikim se një qëndrim kokëfortë. Kujdesuni për veten dhe për shëndetin tuaj fizik; është një ditë e mirë për të nisur një dietë apo një rutinë të re praktike. Më pak impuls, më shumë qetësi – dhe gjithçka do rrjedhë më mirë.

—

Demi (21 prill – 20 maj)

Dashuria ju përqafon me butësi. Venusi në pozicion të favorshëm ju jep mundësinë për të shprehur ndjenjat me delikatesë, ndërsa Hëna ndihmon për të vënë rregull në gjërat praktike. Mund të merrni një mesazh që ngroh zemrën, ose një gjest i dikujt do ju rikujtojë sa rëndësi ka të ndiheni të dashur. Kujdes me financat: ndonëse intuita është e mprehtë, mos merrni vendime të nxituara. Dita është perfekte për të sistemuar dokumente apo për të pastruar ambientin tuaj personal. Zbukuroni hapësirën ku jetoni – do ndiheni më mirë shpirtërisht.

—

Binjakët (21 maj – 21 qershor)

Qielli juaj është i ndezur! Dielli në shenjën tuaj sjell energji të re dhe dëshirë për të nisur projekte. Megjithatë, duhet të zgjidhni me kujdes për çfarë të shpenzoni kohë dhe forcë. Hëna kërkon vëmendje për familjen, për një njeri të afërt apo për çështje shtëpiake. Në dashuri, ndonëse jeni komunikues dhe tërheqës, mund të mos jeni plotësisht të pranishëm emocionalisht – përpiquni të mos shpërqendroheni. Dita është shumë pozitive për ata që punojnë në fushën e komunikimit, medias apo mësimdhënies. Mos e lini një ide të bukur të qëndrojë pezull – kthejeni në realitet!

—

Gaforrja (22 qershor – 22 korrik)

Ndjeshmëria juaj është e lartë, ndaj Hëna në Virgjëreshë ju ndihmon të gjeni një mënyrë të qetë për të vënë rregull brenda jush. Është një ditë ideale për të sistemuar mendimet, për të shkruar apo për të medituar. Në dashuri, e kaluara mund të trokasë – a jeni gati të falni apo të lini pas një plagë të vjetër? Në punë, mos nxirrni ende gjithçka në dritë – prisni pak. Dikush kërkon këshillën tuaj: flisni me ndershmëri dhe me mençuri. Për t’u ndier më të qetë, ndaloni për një çast nga rutina dhe lexoni diçka që ju frymëzon.

—

Luani (23 korrik – 22 gusht)

Këtë fillimjavë jeni magnetikë, por duhet të dini të kanalizoni energjinë në mënyrën e duhur. Dielli ju jep prezencë dhe fuqi, por Hëna ju kujton të jeni më të vëmendshëm ndaj shpenzimeve ose situatave që lidhen me paratë. Në dashuri, jeni pasionantë por ndonjëherë pak të papërmbajtur: vendosni zemrën përpara krenarisë. Një mesazh apo një lajm nga larg mund të ndryshojë humorin tuaj. Ditë me fat për ata që janë në kërkim të punës: bëni një lëvizje strategjike. Mos vraponi pas suksesit – ndonjëherë mjafton të bëni një hap të vogël drejt drejtimit të duhur.

—

Virgjëresha (23 gusht – 22 shtator)

Hëna në shenjën tuaj ndriçon mendjen dhe ju jep ekuilibër të brendshëm. Dita është perfekte për të marrë vendime praktike, për të rregulluar punët e lëna përgjysmë dhe për të sistemuar marrëdhëniet. Në dashuri, ndiheni më të qetë dhe më të hapur: një bisedë e sinqertë mund të afrojë zemrat. Beqarët mund të përjetojnë një përqasje të papritur që sjell gëzim. Shëndeti është i mirë, por një çikë tension emocional kërkon vëmendje – relaksohuni me një aktivitet të thjeshtë që ju pëlqen. Edhe ndjenjat kanë nevojë për organizim – bëni vend në zemrën tuaj për dashuri të reja.

—

Peshorja (23 shtator – 22 tetor)

Horoskopi ditor sipas Brankos për të hënën 19 maj ju këshillon reflektim. Është dita e duhur për të sqaruar ndjenjat dhe qëllimet. Hëna ju shtyn të shikoni brenda vetes dhe të kuptoni çfarë dëshironi me të vërte. Në dashuri, është e nevojshme më shumë pranësi, më pak formalizëm. Në punë, dikush ju vëzhgon: ruani qetësinë dhe kushtojini kujdes detajeve. Një ngërç i vogël burokratik do të zgjidhet deri në fundjavë. Branko ju inkurajon të mos i fshehni më ndjenjat: një ballafaqim i sinqertë mund të zhbërë një dyshim. Mirësia juaj është arma juaj më e fortë.

Akrepi (23 tetor – 22 nëntor)

Akrepa të mistershëm, horoskopi i Branko-s për ditën e hënë flet për qartësi në marrëdhënie. Sot éshtë dita për të sqaruar një miqësi ose lidhje që ju ngarkon emocionalisht. Ndonjë fjalë e pathënë mund të shërbeje si çlirim. Në punë, sfidat janë të pranishme, por forca juaj i kapërcen. Një mundësi e re nga jashtë vjen papritur: mos e refuzoni menjëherë. Kujdes me shpenzimet impulsive. Sa i takon shëndetit, shmangni tepricat dhe pushoni sa herë mundeni. Ndëgjoni intuitën, por mos anashkaloni logjikën. Një ide do të hapë rrugë të reja.

Shigjetari (23 nëntor – 21 dhjetor)

Të dashur Shigjetarë, horoskopi i Branko-s për të hënën 19 maj ju sheh si guximtarë por të përqendruar. Idetë nuk ju mungojnë, por qielli kërkon veprim të qëllimshëm. Në dashuri, flisni hapur: nëse diçka nuk shkon, trajtojeni pa frikë. Në karrierë, keni një zgjedhje për të bërë: besoni instinktin, por me maturi. Hëna ju bën kritik ndaj të tjerëve: shmangni paragjykimet. Shëndeti është i mirë, por gjumi është i shenjtë. Këshilla e ditës: zgjidhni fjalët me kujdes, ato mund të zhbllokojnë situata që duken të ngrira. Jetoni me qartësi dhe vullnet ndërtues.

Bricjapi (22 dhjetor – 20 janar)

Të palodhur Bricjapë, horoskopi i Branko-s për të hënën 19 maj ju dhuron stabilitet dhe fokus. Puna kërkon prezencë, dhe ju i përkushtoheni me disiplinë. Hëna ju ndihmon të përfundoni me sukses një projekt. Në dashuri, duhet të thyeni akullin emocional: edhe një fjalë e ngrohtë bën ndryshimin. Një çështje ligjore do të duhet trajtuar me qetësi. Sa i takon trupit, vëmendje qafës dhe shpinës: stresi dhe qëndrimet jo të duhura bëjnë të vetat. Kujtoni se jo gjithçka duhet të jetë perfekte. Zemra ndonjëherë di më shumë se arsyeja.

Ujori (21 janar – 19 shkurt)

Të zgjuar Ujorë, horoskopi i Branko-s ju gjen në mendime të thella. E hëna është ditë reflektimi. Një projekt, një miqësi apo lidhje dashurie ju shtyn të pyetni veten: jam në drejtimin e duhur? Qielli nuk jep ende përgjigje të qarta, por kërkon ndershmëri. Hëna sjell lodhje fizike: pushoni. Në punë, mos merrni vendime të ngutshme. Horoskopi i Branko-s ju inkurajon të gjeni balancë mes ëndrrës dhe realitetit. Një mesazh mund të ndryshojë gjithçka. Frymoni thellë dhe mbani sytë nga horizonti: e ardhmja po afrohet.

Peshqit (20 shkurt – 20 mars)

Të ndjeshëm Peshq, horoskopi i Branko-s për ditën e hënë ju fton të qëndroni të tokësuar. Hëna ju përball me një vendim emocional. Një lidhje ka nevojë për të vërteta, jo për iluzione. Në punë jeni të frymzueshëm dhe plot ide: çojini përpara. Kujdes nga ndonjë harresë: kontrolloni oraret dhe detyrat. Për trupin, më shumë qetësi e më pak ankth. Këshilla e Branko-s: shkruani çfarë ndjeni, edhe vetëm për veten tuaj. Kur ndjenjat trajtohen, ato kthehen në dritë. /noa.al