Ish-mbrojtësi Ciro Ferrara foli për mikrofonat e DAZN, duke prezantuar sfidën e Napolit kundër Parmës. Opinionisti dhe komentatori u ndal te roli i Contes në fundin e këtij kampionati, më pas dha mendimin e tij për ndeshjet e mbetura:

"Fati është tërësisht në duart e Antonio Contes. Trajneri i Napolit e di që nuk është e detyrueshme ta fitosh patjetër titullin me vetëm tri pikë avantazh ndaj ndjekësve, por e di gjithashtu që këto momente duhen menaxhuar me zgjuarsi. Ai i ka njohuritë për ta bërë këtë më së miri.

Barazimi me Genoa ishte i papritur, por mund të ndodhë. Tani duhet të mendohet për Parmën dhe të merren sa më shumë pikë të jetë e mundur. Futbollin e ka shpikur djalli, siç thoshte një njohje e vjetër e imja.

Kjo duket edhe tek ajo që bëri Genoa, e cila gjuajti dy herë drejt portës dhe barazoi ndaj Napolit, që është në vend të parë. Çdo gjë mund të ndodhë, por jam i qetë. Këtë javë do të zgjidhen problemet për zëvendësimin e Lobotkës, trajneri do t’iu japë përsëri besim djemve të tij, jam i bindur për këtë".