E premtja e 16 majit sjell një qiell me kontraste të thella: nga njëra anë, Hëna e gjallë dhe prania e Marsit në disa shenja nxisin veprim, ndjenjë dhe vendime të forta; nga ana tjetër, Venusi dhe ndryshimet e fundit planetare krijojnë pasiguri emocionale dhe momente reflektimi të thellë.

Disa do ndihen më të ndjeshëm dhe të përfshirë emocionalisht; të tjerë, më të qartë dhe të vendosur për të nisur rrugë të reja.

Për çdo shenjë, dita sjell një ftesë për të rishikuar marrëdhëniet, për të riorganizuar planet dhe për të komunikuar ndjenjat në mënyrë të qartë. Ja çfarë të presin yjet sipas Paolo Fox për këtë ditë:

Dashi (21 mars – 20 prill)

Sot durimi yt vihet në provë. Të irritojnë njerëzit që nuk janë të sinqertë apo që nuk të japin mbështetjen që kërkon. Ke një prirje natyrale për të provokuar, për të vënë në pikëpyetje të tjerët dhe për t’i sfiduar kur është e nevojshme – kjo cilësi mund të çojë në debate, por mund të kthehet edhe në forcë ndërtuese. Nëse e përdor për të nxitur përmirësim tek të tjerët, bëhet vërtet e vlefshme. Kujdes me qasjen tënde sot – mund të bëhesh tepër i drejtpërdrejtë dhe kjo të krijojë përplasje me ata që i ndjen si pengesë për zhvillimin tënd personal. Në sfond ka një ankth për projekte të reja që po afrohen – emocione të përziera, mes eksitimit dhe shqetësimit. Mendo me kujdes për marrëdhëniet, për ndjenjat. Venusi në shenjë ndihmon në dashuri, sjell mundësi për lidhje të reja apo forcim të një raporti ekzistues.

—

Demi (21 prill – 20 maj)

Sot ndihesh më mirë – Hëna aktive të sjell një përmirësim të përgjithshëm dhe të shtyn të çlirohesh nga stresi i akumuluar. Megjithatë, prania e Marsit ngre tensione: edhe pse dukesh i qëndrueshëm nga jashtë, brenda ndihesh i trazuar, me emocione dhe pasiguri që përplasen. Kohët e fundit, thotë Paolo Fox në këtë përkthim nga noa.al, jeta ka sjellë ndryshime të mëdha, projekte që dikur duken të sigurta, janë lëkundur. Mund të kesh ndryshuar bashkëpunime, kontrata apo të kesh mbyllur një kapitull. Kjo është koha për të menduar për dashurinë – çfarë dëshiron vërtet? Për Demin, besimi tek dashuria nuk shuhet kurrë. Edhe pas zhgënjimeve, rikthehet shpresa dhe dëshira për të ndërtuar diçka të qëndrueshme. Nga qershori, me ndihmën e Jupiterit, do të vijnë mundësi të rëndësishme për bashkëjetesë, martesë apo vendime që forcojnë lidhjet.

—

Binjakët (21 maj – 21 qershor)

Qielli i sotëm është i ndriçuar për ty: Venusi të mbështet dhe Hëna nuk është më në kundërshtim – më në fund një qetësi që largon turbullirat e ditëve të fundit. Shpreh mendime pozitive, ngjyrat e tua të brendshme po ndriçojnë gjithçka përreth. Me Jupiterin në shenjë, buzëqeshja jote është ngjitëse. Nëse ke pasur vështirësi ligjore apo ke qenë në pritje të një përgjigjeje të rëndësishme, horizonti është premtues – marrëveshje dhe lajme të mira janë pranë. Mos u ndiko nga thashethemet ose nga njerëz të pandershëm – së fundmi ke nisur të dallosh më qartë miqtë e vërtetë nga ata interesaxhinj. Deri më 9 qershor mund të ndodhin ngjarje vendimtare për ata që presin zhvillime. Në dashuri, çiftet e konsoliduara merren me çështje konkrete të jetës së përbashkët, ndonjëherë grindjet për shpenzime mund të fshehin problemet e vërteta. Ndërkohë, ata që janë rikuperuar nga një lidhje e vështirë janë të lirë të kënaqen me aventura dhe momente argëtuese – pa presion.

—

Gaforrja (22 qershor – 22 korrik)

Sot ndihesh i lodhur – në marrëdhëniet familjare dhe dashurore kërkohet durim. Hëna në kundërshtim sjell tensione dhe keqkuptime, duke e vështirësuar komunikimin me të dashurit. Mund të ndihesh emocionalisht i bllokuar. Ndjeshmëria jote e zakonshme këtë herë të bën të perceptosh gjithçka në mënyrë më dramatike, si të ishe i rrethuar nga një mjegull emocionale. Edhe këto momente janë mundësi për rritje dhe reflektim. Nëse ndihesh i tërhequr nga vetmia, mos u tremb – por gjithashtu mos e lër veten të pushtohet nga mendime të errëta. Kujdes sidomos me ndjenjat dhe dashurinë. Mbështetja e një personi të dashur mund të bëjë diferencë. Mos u mbyll – shprehi emocionet tua dhe kërko afërsi. Venusi në kundërshtim ka sjellë dyshime në ndjenja – por kujto: dashuria është një udhëtim i ndërlikuar, por i mrekullueshëm.

—

Luani (23 korrik – 22 gusht)

Faza e reflektimit po mbyllet, dhe përpara shfaqet një dritë që paralajmëron rilindje. Energjia jote krijuese dhe sharmi natyral janë në kulm. Me Marsin në shenjë, ndihesh më i fuqishëm, më i vendosur për të vepruar. Dashuria është në fokus – jo më lidhje të sipërfaqshme, por dëshirë për thellësi dhe përkushtim. Je gati për marrëveshje, bashkëjetesë, ndoshta martesë. Tërheqja që ndikon tek të tjerët është e dukshme – tërheq njerëzit dhe e ke më të lehtë të krijosh lidhje të forta. Planetët të favorizojnë në projekte të çdo lloji – nga puna te dashuria. Fundi i muajit dhe veçanërisht qershori do sjellin kthesa pozitive edhe për ata që ishin të tërhequr apo të lënë mënjanë. Rikthehet dëshira për të garuar – dhe për të fituar.

—

Virgjëresha (23 gusht – 22 shtator)

Hëna e gjallë sjell një valë energjie pozitive, por pas dy ditësh të vështira ku tensioni mbizotëroi, ka ende pasiguri që të rëndojnë emocionalisht. Edhe pse ke marrë një lajm të mirë, një detyrë të re apo je pranë një nisjeje të rëndësishme, tensioni i brendshëm është i pranishëm. Mos lejo që emocionet të të çorientojnë – merr kohë për të vlerësuar situatën qetësisht. Nëse ke nisur një projekt së fundmi, me kohë do të dalë me sukses. Përqendrimi nuk të mungon – por mos e ngut rrugën përpara. Në dashuri, nuk është ende momenti më i mirë për lidhje të reja. Beqarët janë në pritje. Nga qershori fillojnë mundësi më të bukura për dashuri të thella. Ata që janë tashmë në një lidhje do të kenë momente vendimtare për të bërë zgjedhje për të ardhmen. Ke dëshirë për ndryshime konkrete – si zhvendosje apo përmirësime në shtëpi. Tensionet e fundit të kanë treguar sa e rëndësishme është të ndihesh i dashur nga familja.

—

Peshorja (23 shtator – 22 tetor)

Natyra jote kërkon gjithmonë ekuilibër dhe harmoni, por së fundmi je vënë në provë nga tensione të brendshme, edhe familjare. Këto nuk janë të pakapërcyeshme, por tregojnë se ka ardhur koha të rikthehesh tek vetja. Puno mbi vetëvlerësimin, pasi është çelësi për të përballuar sfida në punë dhe marrëdhënie. Investo kohë në atë që të pasionon – kjo do të rrisë vetëbesimin dhe mund të hapë rrugë të reja profesionale. Në dashuri ndihesh pak i pasigurt. Nëse je në një lidhje të qëndrueshme, është koha për ta forcuar dhe për të nxjerrë në pah çfarë mund të përmirësohet. Por nëse ndjen se marrëdhënia nuk të përmbush, duhet të përballesh me këtë realitet. Në lidhjet e reja, mos nxit – lëre kohën të tregojë. Edhe nëse do ta zyrtarizosh një ndjenjë, ndoshta personi përballë nuk ka të njëjtin ritëm. Sinqeriteti do të të ndihmojë – në vend që të mbyllësh një kapitull, shty vendimet për pak kohë. Venusi së shpejti nuk do të jetë më kundër, ndaj shmang konfliktet pa vlerë.

—

Akrepi (23 tetor – 22 nëntor)

Kjo është një ditë për reflektim dhe analizë të marrëdhënieve me të tjerët. Aftësia jote për të ndërmjetësuar do vihet në provë – kjo do ndikojë shumë në mënyrën se si do zhvillohen kontaktet e tua. Me Marsin kundër, ndihesh më luftarak, më i prirë të mbrosh idetë dhe t’i imponosh. Mund të përballesh me situata ku durimi yt sprovohet. Pas shumë përpjekjesh për t’u shpjeguar të tjerëve, ndihesh i lodhur dhe i pakënaqur nga ata që nuk të kuptojnë ose nuk të ndjekin. Është e kuptueshme që të kesh nevojë për pak qetësi dhe hapësirë. Gjej një moment për t’u tërhequr dhe për të reflektuar – mos hezito të shprehësh nevojat e tua pa ndjenja faji. Kërko qartë çfarë të nevojitet.

—

Shigjetari (23 nëntor – 21 dhjetor)

Kjo ditë është ideale për të reflektuar mbi financat. Shpenzime të papritura të fundit kanë sjellë shqetësime. Ke nevojë të çlirohesh nga stresi i përditshëm. Një ide e mirë do ishte të mendosh për një udhëtim – kjo është diçka që gjithmonë të frymëzon. Qoftë një udhëtim real apo mendor, ai do të të ndihmojë të shohësh më qartë. Me Venusin në pozicion miqësor, kjo është një periudhë për rinovime – në vetvete dhe në marrëdhënie. Marrëdhëniet marrin ngjyrime më të thella, dhe lindin mundësi për njohje të veçanta. Në punë duket se dritat e gjelbra po afrohen – kundërshtimi i Jupiterit që të bllokoi muajt e fundit po largohet. Pas datës 9 qershor, mund të bësh hapa të rëndësishëm për të ndërtuar të ardhmen tënde. Tani është koha për të kërkuar më shumë përgjegjësi apo për të nisur plane të reja, edhe në vende apo pozicione të reja. Një ditë reflektimi, por me shumë potencial.

—

Bricjapi (22 dhjetor – 20 janar)

Kjo është një periudhë intensive reflektimi dhe përgjegjësie. Menaxhimi i financave paraqet vështirësi – sidomos pas shpenzimeve të mëdha, ndoshta për shtëpinë apo projekte personale. Kjo lodhje financiare ndikon edhe në marrëdhëniet. Venusi në kundërshtim – por për pak kohë akoma – ka krijuar distancë dhe mungesë komunikimi edhe në çiftet më të konsoliduara. Duket sikur të dy palët mendojnë se tjetri kupton gjithçka pa folur – por kjo sjell tension të heshtur. Qetësia në lidhje nuk do të thotë gjithmonë mirëkuptim – ndoshta thjesht po shmangni përplasjet. Në lidhjet e reja, mungon pasioni. Ata që po nisin një histori kanë nevojë për kohë për të kuptuar ndjenjat. Partneri yt duhet të tregojë durim – kjo është një fazë ku po përpiqesh të balancosh sfidat profesionale dhe ekonomike me jetën emocionale. Kërko qetësi dhe mendo thellë.

—

Ujori (21 janar – 19 shkurt)

Fundjava të sjell një mundësi për ndryshim dhe reflektim. E diela do të sjellë një energji pozitive, që mund të shfrytëzohet për një udhëtim të shkurtër apo një aktivitet që të thyen rutinën. Dedikoji kohë diçkaje që të argëton – jo vetëm për veten, por edhe për njerëzit që ke pranë. Së fundmi ke ndier peshën e Marsit në kundërshtim – një ndikim që ka sjellë tension dhe nervozizëm. Ke mbajtur një maskë për të shmangur përplasjet, por nuk mund ta bësh këtë pafundësisht. Ujori ka nevojë për sinqeritet dhe liri. Në dashuri, nëse lidhja nuk është e qetë dhe e kënaqshme, mund të ndodhë që të dalë në pah një e vërtetë e pakëndshme. Koha është e përshtatshme për biseda të sinqerta. Megjithëse je i natyrës kurioze dhe i lirë, kur përfshihesh emocionalisht shumë, ndonjëherë largohesh për t’u mbrojtur. Mos i shmang ndjenjat – përballu me to me zemër të hapur.

—

Peshqit (20 shkurt – 20 mars)

Kjo është një periudhë zhvillimi dhe transformimi. Jupiteri, planeti i zgjerimit dhe fatit, po ndikon pozitivisht te financat dhe puna. Po të afrohen mundësi konkrete, dhe marrëdhëniet me njerëzit përreth janë gjithnjë e më të mira – veçanërisht me ata që të vlerësojnë dhe të japin mbështetje. Lajmet pozitive vijnë nga njerëz që e duan të mirën tënde. Mund të forcosh lidhje të rëndësishme. Nëse ke dëshirë për dashuri, fundjava është momenti ideal për të organizuar një takim premtues. Por, në marrëdhënie që janë në krizë, duhet kujdes – sidomos me shenjat Gaforre, Peshore dhe Bricjap, ku tensionet janë më të ndjeshme. Mos e forco zgjidhjen – lëre kohën të bëjë punën e vet. Durimi është virtyt sot. Në punë, kontratat apo marrëveshjet e reja mund të bëhen realitet brenda majit. Nga qershori, klima bëhet edhe më frymëzuese dhe premtuese për të ardhmen. /noa.al

Horoskopi ditor nga Susan Miller – E premte, 16 maj 2025. Shumëçka vërtitet rreth parasë