Kapshticë, 15 maj 2025 – Një shtetas 66-vjeçar nga Tirana është ndaluar nga policia në pikën kufitare të Kapshticës pasi u kap duke tentuar të nxjerrë jashtë territorit të Shqipërisë një shumë prej 30 500 eurosh, pa e deklaruar në doganë.

Gjatë kontrolleve të shtuara nga shërbimet e Policisë Kufitare në bashkëpunim me autoritetet doganore, automjeti tip “Benz” me drejtues shtetasin Bujar Sina u ndalua për kontroll të detajuar në vijën e dytë. Gjatë kontrollit, u gjetën dhe sekuestruan 30 500 euro që ai po i transportonte pa deklarim, në kundërshtim me ligjet në fuqi.

Pas dokumentimit të rastit, ndaj 66-vjeçarit u nis procedimi penal në gjendje të lirë për veprën penale “Mosdeklarimi në kufi i të hollave dhe i sendeve me vlerë”. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.