Të dashur lexues, dita e sotme, e mërkurë 14 maj 2025, vjen nën ndikimin e një qielli që kërkon ekuilibër, vetëdije dhe guxim për të dëgjuar veten. Lëvizjet e planetëve si Venusi, Marsi, Hëna dhe Plutoni ofrojnë momente të thella reflektimi për disa, dhe frymëzim veprues për të tjerë.

Disa shenja do ndihen më të lidhur me ndjenjat e tyre, të tjerët do përballen me zgjedhje që kërkojnë maturi dhe vendosmëri.

Branko na udhëzon të dëgjojmë intuitën, të vëzhgojmë përtej pamjes së jashtme dhe të veprojmë me ndershmëri dhe pasion. Qoftë në dashuri, në punë apo në përpjekjet personale për rritje shpirtërore, kjo ditë ka potencialin të hapë rrugë të reja. Lexoni më poshtë se çfarë ju rezervojnë yjet për secilën shenjë në mënyrë të plotë, me ndjeshmëri dhe qartësi.

Dashi (21 mars – 20 prill)

Në qendër të emocioneve – vepro, por me kujdes

Të dashur Dashë, e mërkura ju vendos në zemër të një cikloni emocionesh të forta. Me Marsin që ndez energjinë tuaj, ndiheni gati të luftoni për të drejtën tuaj, sidomos në punë, por kini kujdes me fjalët – Hëna në aspekt të pafavorshëm mund t’ju bëjë shumë të drejtpërdrejtë. Në dashuri, tregohuni të ëmbël dhe dëgjoni më shumë se sa flisni. Këshilla ime: udhëhiquni nga zemra, por pa humbur ekuilibrin. Karta Tarot për ju është Kalorësi i Shkopinjve – trimëri me mençuri.

—

Demi (21 prill – 20 maj)

Rikthimi i qetësisë dhe gjesteve që vlejnë

Miq të Dashur të Demit, Venusi në shenjën tuaj sjell butësi dhe ndjenja të thella. Në dashuri, marrëdhëniet forcohen – surpriza të këndshme për çiftet dhe mundësi të reja për beqarët. Në punë, një ngadalësim i vogël është sinjal për të rishikuar diçka. Nuk është pengesë, por mundësi për të rregulluar drejtimin. Shtatëshi i Denarëve në Tarot ju kujton se fara që mbillni sot, do të japë fryt nesër. Merrni kohën tuaj dhe vlerësoni detajet.

—

Binjakët (21 maj – 21 qershor)

Fjalët janë fuqi – kujdes me shpejtësinë

Binjakë të shpejtë dhe të zgjuar, Dielli dhe Merkuri janë në anën tuaj: dita është perfekte për komunikim, ide dhe veprim. Përdoreni këtë mundësi për të folur, shkruar, propozuar. Në dashuri, është koha të shprehni ndjenjat që keni mbajtur përbrenda. Kujdes me nxitimin – është e lehtë të rrëzoheni kur ecni shumë shpejt. Karta Tarot për ju është Magjistari – kreativitet, iniciativë, por edhe kujdes.

—

Gaforrja (22 qershor – 22 korrik)

Intuita juaj ju udhëheq drejt dritës

Të dashur Gaforre, Hëna ju mbron dhe ndjeshmëria juaj është më e fortë se kurrë. Në familje rikthehet ngrohtësia. Në punë, ndjeni se duhet të merrni një vendim që të tjerët mund ta quajnë të çuditshëm – por dëgjoni instinktin tuaj. Në dashuri, një takim i papritur mund të rizgjojë kujtime të fshehura. Karta juaj është Papesha – dëgjo zemrën, edhe kur gjithçka hesht. Jepini vetes kohë për reflektim.

—

Luani (23 korrik – 22 gusht)

Fuqia juaj natyrore kërkon diplomaci

Luani krenar, me Marsin që ju fuqizon dhe Hënën që ju qetëson, dita kërkon ekuilibër mes forcës dhe maturisë. Në dashuri, rikthehet pasioni – për çiftet është kohë zjarri, ndërsa beqarët kanë një mundësi për të bërë një takim të veçantë. Në punë, jeni liderë, por kujdes me shpërqendrimet. Karta juaj është Mbreti i Shkopinjve – autoritet dhe përgjegjësi. Kujdes me financat: shmangni blerjet impulsive.

—

Virgjëresha (23 gusht – 22 shtator)

Qartësi mendore dhe butësi emocionale

Të dashur Virgjëresha, dita kërkon rregull në mendime. Merkuri ju ndihmon të zgjidhni situata të pasakta në punë – një bisedë e sinqertë do të thyejë ngërçin. Në dashuri, rutina e bukur ju lidh më shumë me partnerin, ndërsa për beqarët, takimi i ditës mund të ndezë një ndjenjë të re. Karta juaj është Gjashta e Kupave – kujtime që hapin rrugë të reja. Mos shtyni më vendimet e rëndësishme.

—

Peshorja (23 shtator – 22 tetor)

Harmoni dhe zgjedhje me peshë

Të dashura Peshore, dita e sotme kërkon prej jush një ekuilibër mes mendjes dhe zemrës. Venusi ju bën tërheqëse dhe tërheqës: përdoreni këtë hijeshi për të zbutur tensione dhe për të forcuar lidhje që kishin nevojë për qartësi. Në punë mund të paraqitet një propozim i rëndësishëm – analizojeni me kujdes. Karta juaj në Tarot është Drejtësia: vendime të drejta dhe besim në baraspeshë. Ndryshoni diçka në veshje ose në shtëpi – bukuria e jashtme reflekton bukurinë tuaj të brendshme.

—

Akrepi (23 tetor – 22 nëntor)

Zbulime dhe forcë e brendshme

Akrepa misteriozë, Plutoni ju fton në një udhëtim të brendshëm. Mund të zbuloni diçka që ndryshon rrjedhën e një situate apo të ndjeni se një sekret del në dritë. Në dashuri, emocionet thellohen – folni vetëm kur ndjeni se fjalët janë të vërteta. Në punë, mos i besoni vetëm pamjes së jashtme. Karta e ditës: Hëna – intuitë, ëndrra, ndjenja të fshehura. Fati do t’ju buzëqeshë vetëm nëse dëgjoni me zemër. Është një ditë e ndërlikuar, por shume e vërtetë.

—

Shigjetari (23 nëntor – 21 dhjetor)

Një horizont i ri hapet para jush

Shigjetarë të guximshëm, dita sjell liri, udhëtime dhe ide të reja. Mund të filloni një projekt apo të merrni një vendim që ndikon të ardhmen. Në dashuri, ruani pavarësinë, por flisni hapur për dëshirat tuaja. Në punë, do të jetë e rëndësishme të përcaktoni prioritetet. Karta Tarot: Qerret – vullnet i fortë, drejtim dhe sukses. Jini gati për një ftesë, një mesazh apo një shans që nuk përsëritet. Fati ju pret në lëvizje.

—

Bricjapi (22 dhjetor – 20 janar)

Fuqia e vendimeve të qëndrueshme

Bricjap i palodhur, Saturni është në anën tuaj dhe çdo hap që hidhni tani ka vlerë afatgjatë. Merruni me negociata, firmosni marrëveshje, por vetëm nëse ju përfaqësojnë siç duhet. Në dashuri, jepni një shenjë të qartë pranisë suaj. Karta: Perandori – stabilitet, autoritet, përgjegjësi. Sot mund të zgjidhni një çështje të rëndësishme ligjore apo të merrni një mbështetje nga një figurë me ndikim. Të ardhmen e ndërtoni me hapa të sigurt.

—

Ujori (21 janar – 19 shkurt)

Idetë tuaja kërkojnë tokë ku të mbillen

Ujorë vizionarë, jeni në një fazë plot energji mendore – krijimtaria është në kulm. Por mos harroni të kujdeseni për trupin dhe të mos e teproni me shpërqendrimet. Në dashuri, një bisedë e ndershme mund të zhbllokojë situatën. Karta: I Marrë – risi, guxim, eksperimentim. Sot lind një mundësi jashtë normales – mos e refuzoni, por mos humbni lidhjen me realitetin. Yjet ju duan novatorë, por edhe të përqendruar.

—

Peshqit (20 shkurt – 20 mars)

Ndjeshmëri dhe shenja nga universi

Peshq të ëmbël, Neptuni në shenjën tuaj forcon ndjeshmërinë dhe ju lidh me ëndrrat. Kujdes me iluzionet – mos ngatërroni dëshirën me të vërtetën. Në punë, bëni një listë të qartë detyrash. Në dashuri, dëgjoni më shumë dhe kërkoni më pak. Karta: Ylli – shpresë dhe frymëzim. Një ëndërr mund të sjellë një mesazh të fshehur. Dita është për reflektim, për ndalesë, për të dëgjuar çfarë ju pëshpërit universi. Zemra juaj e njeh rrugën – besojani atë. /noa.al