Titulli i dytë radhazi kampion në Kategorinë Superiore për Edlir Tetovën dhe Egnatian e tij. Nëse sezonin e kaluar fitoi gjithçka të mundshme, tripletën e shumë dëshiruar, kësaj here i iku nga duart Kupa e Shqipërisë. Në finalen kundër Dinamos u mposht nga penalltitë.

Finalja tjetër, ajo e “final four”, e vlefshme për titullin kampuion, u fitua thellë prej saj, mbrëmë në “Arena Kombëtare”. Pas triumfit 4-0 ndaj Vllaznisë, trajneri Tetova u shpreh: “Finale të thjeshta nuk ka, mendoj se gjithçka ishte e merituar pej nesh. Lojtarët e mi janë fantastikë, më ndjekin në planin taktik. Kemi krijuar superioritet mbi kundërshtarin gjatë ghithë lojës.

Dy golat erdhën nga tranzicioni. Në pjesën e parë duhet të ishim më të qartë para porte. Kishim dy finale. Fillimisht me Dinamon në Kupë, bëmë gabime dhe u ndëshkuam, nuk mund t’i përsërisnim të njëjtat gabime edhe sot.

Suksesi? Gjithçka ka lidhje me punën. Lushkja është marrë vetëm me goditjen nga linja e dytë, ai është vlerë e shtuar e Egnatias. Mbas ndërrimit të skemës së Vllaznisë kishim probleme. U riktheva te skema 4-2-3-1 për të bllokuar krahun e djthatë të Vllazinsë.

Pastaj u freskuam me Melon. Kemi punuar shumë me goditjet standarte. Edhe njëherë po e përsëris, lojtarët e mi ishin fantastikë. Nuk mendoj se do të ketë merkto në dalje shumë. Këto janë gjëra që nuk më përkasin mua, i përkasin klubit, gjithsesi”.

Nga ana e tij, Regi Lushkja, autori i dopietës në fitoren e mbrëmshme 4-0, i cili u shpall lojtari më i mirë i finales së “final four”, u shpreh: “E mira s’ka fund, këto ndeshjet e fundit që nuk kam shënuar gol, nuk kam qenë në 100% tim. Kam pësuar dëmtim në gjysmëfinalen ndaj Partizanit. Kam ndenjur 10 ditë pa u stërvitur, sepse më ishte fryrë kavilja.

Jam futur në fushë për të ndihmuar ekipin. Shpërblimi ishte fitimi i titullit kampion. E kisha si synim fitimin e ‘këpusës së artë’, por e fitoi Bekim Balaj. E meritoi dhe e përgëzoj, sepse është super sulmues”.