Tiranë, 13 maj 2025 – Me 1,112 nga 1,282 qendra votimi të numëruara dhe mbi 10,000 zarfe të diasporës të hapura, rezultati i zgjedhjeve parlamentare në qarkun më të madh të vendit konfirmon epërsinë e Partisë Socialiste, e cila ka siguruar 19 mandate, duke ruajtur një diferencë prej mbi 45 mijë votash ndaj rivalëve të saj. PS ka deri tani 176,136 vota.

Partia Demokratike – Aleanca për Shqipërinë Madhështore (PD-ASHM) ka siguruar deri tani 130,681 vota, që i përkthehen 13 mandate, duke humbur një vend në Kuvend. Ky mandat është marrë nga Partia Mundësia, e drejtuar nga Agron Shehaj, e cila deri tani ka mbledhur 18,335 vota dhe ka siguruar 2 mandate, duke hyrë fuqishëm në skenën politike si një alternativë opozitare.

Në garën për parlamentin janë futur gjithashtu:

Lëvizja Bashkë e Arlind Qorit, që ka siguruar një mandat të parë historik.

Partia Socialdemokrate (PSD), e cila rikthehet në Kuvend me një mandat në këtë qark.

Koalicioni i Adriatik Lapajt (ADR) gjithashtu arrin të kalojë pragun dhe të përfaqësohet me një mandat në Kuvend.

Përmbledhje e përkohshme e mandateve në qarkun Tiranë (pas numërimit të 1,112 kutive):

PS: 19 mandate

PD-ASHM: 13 mandate

Partia Mundësia (Agron Shehaj): 2 mandate

Lëvizja Bashkë (Arlind Qori): 1 mandat

PSD: 1 mandat

Koalicioni ADR (Adriatik Lapaj): 1 mandat

/noa.al