Tiranë, 12 maj 2025 – Me numërimin e votave të përfunduar në 4,105 nga 5,225 qendra votimi në të gjithë vendin, rezultatet paraprake të publikuara nga Komisioni Qendror i Zgjedhjeve (KQZ) tregojnë një fitore të qartë për Partinë Socialiste të Shqipërisë (PS), e cila ka siguruar deri tani 563,086 vota, që përfaqësojnë 52.38% të totalit të votave të numëruara. Aktualisht PS numëron 82 deputetë. Nëse sërish ka mbështetjen e PSD së Tom Doshit, Rama merr shumicën cilësuese në Parlament duke i hapur rrugën kalimit edhe të ligjeve me shumicë të cilësuar.

Në vend të dytë qëndron Koalicioni Partia Demokratike – Aleanca për Shqipërinë Madhështore (PD-ASHM) me 368,768 vota, që përbëjnë 34.27% të votave.

Forcat e tjera politike kanë marrë këto përqindje:

Partia Socialdemokrate (PSD): 37,626 vota (3.50%)

Partia Mundësia: 31,270 vota (2.91%)

Koalicioni Nisma “Shqipëria Bëhet”: 37,088 vota (3.45%)

Lëvizja Bashkë: 14,466 vota (1.34%)

Partia Koalicioni Euroatlantik (KEA): 13,698 vota (1.27%)

Partia Aleanca Kombëtare Shqiptare (AKSH): 2,045 vota (0.19%)

Partia Aleanca Demokracia e Re (ADR): 766 vota (0.07%)

Koalicioni Djathtas për Zhvillim (DZH): 4,236 vota (0.39%)

Lëvizja Atdheu (LA): 1,610 vota (0.15%)

/noa.al