Devoll, 12 maj 2025 – Ka përfunduar procesi i numërimit në të 49 qendrat e votimit të bashkisë Devoll në qarkun Korçë, ku Partia Socialiste (PS) ka dalë forcë e parë me 7,082 vota, që përbëjnë 50.50% të totalit të votave të vlefshme.

Në vend të dytë është Koalicioni Partia Demokratike – Aleanca për Shqipërinë Madhështore (PD-ASHM) me 5,870 vota, ose 41.85%, duke mbajtur një diferencë të ngushtë ndaj mazhorancës.

Rezultatet për forcat e tjera janë si më poshtë:

Partia Socialdemokrate (PSD): 324 vota (2.31%)

Koalicioni Nisma “Shqipëria Bëhet”: 361 vota (2.57%)

Partia Mundësia: 203 vota (1.45%)

Partia Koalicioni Euroatlantik (KEA): 94 vota (0.67%)

Lëvizja Bashkë: 61 vota (0.43%)

Partia Aleanca Kombëtare Shqiptare (AKSH): 18 vota (0.13%)

Lëvizja Atdheu (LA): 5 vota (0.04%)

Partia Aleanca Demokracia e Re (ADR): 4 vota (0.03%)

Koalicioni Djathtas për Zhvillim (DZH): 3 vota (0.02%)

Ky rezultat konfirmon një garë të ngushtë mes PS dhe PD-ASHM në Devoll, ndryshe nga shumica e bashkive të tjera ku diferenca ka qenë më e thellë. /noa.al