Vau i Dejës, 12 maj 2025 – Një surprizë elektorale ka ndodhur në bashkinë Vau i Dejës, ku Partia Socialdemokrate (PSD) ka fituar shumicën e votave në zgjedhjet parlamentare të 11 majit.

Sipas të dhënave zyrtare nga KQZ, PSD ka siguruar 5,951 vota, që përbëjnë 44.20% të totalit të votave të vlefshme.

Në vend të dytë është renditur Koalicioni Partia Demokratike – Aleanca për Shqipërinë Madhështore (PD-ASHM) me 4,698 vota ose 34.89%, ndërsa Partia Socialiste ka mbetur e treta me 2,482 vota, përkatësisht 18.43%.

Rezultati në Vau i Dejës përbën një ndër rastet më të veçanta të këtij procesi zgjedhor, ku një forcë e tretë politike ka arritur të thyejë dy partitë tradicionale, duke u pozicionuar si fituese në një bashki të rëndësishme të veriut.

Tom Doshi, një biznesmen prej vitesh, disa vite më parë mori kontrollin e Partisë Socialdemokrate të cilën ia dha ish kryetari i Presidiumit të Kuvendit Popullor Skënder Gjinushi pasi Rama e bëri kryetar të Akademisë së Shkencave. /noa.al