Mat, 12 maj 2025 – Ka përfunduar procesi i numërimit të votave në bashkinë Mat të qarkut Dibër, ku Partia Socialiste ka dalë forcë e parë me një rezultat të thellë kundrejt opozitës.

Sipas të dhënave zyrtare nga Komisioni Qendror i Zgjedhjeve, PS ka marrë 7496 vota, që përbëjnë 59.24 për qind të totalit të votave të vlefshme.

“Koalicioni Partia Demokratike – Aleanca për Shqipërinë Madhështore” (PD-ASHM) është renditur i dyti me 4654 vota ose 36.78 për qind, duke ruajtur një bazë elektorale të rëndësishme në këtë bashki verilindore, por pa arritur të rivalizojë dominimin e socialistëve.

Rezultatet për subjektet e tjera janë si më poshtë:

Partia Koalicioni Euroatlantik (KEA): 146 vota (1.15%)

Koalicioni Nisma Shqipëria Bëhet: 118 vota (0.93%)

Partia Mundësia: 93 vota (0.74%)

Partia Socialdemokrate (PSD): 67 vota (0.53%)

Me këtë rezultat, Mati konfirmon mbështetjen tradicionale për të majtën, ndërkohë që opozita ka ruajtur një prani të konsiderueshme, por jo vendimtare. /noa.al