Bazuar në numërimin e mbi gjysmës së votave

Procesi i numërimit të votave për zgjedhjet parlamentare të 11 majit ka kaluar më shumë se 50%, me 2.599 nga 5.225 qendra votimi të numëruara deri në orën 15:50 të së hënës, 12 maj 2025.

Sipas të dhënave të deritanishme nga KQZ, ndarja e mandateve të mundshme në Kuvendin e Shqipërisë (140 vende) do të ishte përafërsisht si më poshtë:

Mandatet e projeksionuara sipas rezultatit aktual kombëtar:

1. Partia Socialiste e Shqipërisë (PS) – 52.72% 74 – 76 mandate. Në rastin më të mirë, 83 mandate. PS ruan shumicën absolute dhe është në rrugë për të qeverisur e vetme nëse tendenca vazhdon.

2. Koalicioni PD – Aleanca për Shqipërinë Madhështore (PD-ASHM) – 33.98% 45 – 47 mandate, në rastin më të mirë 51 mandate. Forca kryesore opozitare mban një pozicion të dytë të konsoliduar.

3. Partia Socialdemokrate (PSD) – 3.91% Deri në 3 mandate. Rritje e lehtë për PSD-në, që mund të rezultojë forcë negociuese, por dihet në vite që është pranë PS. /noa.al