Tiranë, 12 maj 2025 – Procesi i numërimit të votave për zgjedhjet parlamentare të 11 majit po afrohet në gjysmën e kutive, me 2356 nga 5225 qendra votimi të numëruara deri në orën 14:30.

Sipas të dhënave më të fundit nga Komisioni Qendror i Zgjedhjeve, Partia Socialiste e Shqipërisë (PS) ruan një avantazh të theksuar, ndërsa Koalicioni PD-ASHM vijon të konsolidohet si forca kryesore opozitare.

Rezultatet paraprake kombëtare:

Partia Socialiste e Shqipërisë (PS): 322,221 vota

Koalicioni Partia Demokratike – Aleanca për Shqipërinë Madhështore (PD-ASHM): 208,516 vota

Partia Socialdemokrate (PSD): 24,305 vota

Partia Mundësia (MUNDESIA): 16,734 vota

Koalicioni Nisma “Shqipëria Bëhet” (NISMA-SHB): 20,479 vota

Lëvizja Bashkë (BASHKE): 7,960 vota

Partia Koalicioni Euroatlantik (KEA): 6,953 vota

Koalicioni Djathtas për Zhvillim (DZH): 2,233 vota

Partia Aleanca Kombëtare Shqiptare (AKSH): 1,118 vota

Lëvizja Atdheu (LA): 805 vota

Partia Aleanca Demokracia e Re (ADR): 421 vota

Në këtë fazë të procesit, PS mban rreth 52.5% të totalit të votave të numëruara, ndërsa PD-ASHM rreth 34%. Partitë e tjera ndjekin me diferencë të ndjeshme, ndërsa PSD dhe Mundësia tregojnë një rritje graduale në vota krahasuar me zgjedhjet e fundit.

Procesi i numërimit pritet të vijojë gjatë gjithë ditës dhe natës, ndërsa partitë kanë bërë thirrje për durim dhe respektim të çdo vote.

Në deklaratën e tij të parë, kreu i PD Sali Berisha tha se partia do të japë një qëndrim përfundimtar pasi të numërohet vota e fundit. Ai evidentoi gjithashtu shqetësime për standardet e procesit zgjedhor. /noa.al