Numërimi i votave për zgjedhjet parlamentare të 11 majit po ecën me ritme të qëndrueshme në të gjithë Shqipërinë. Deri në orën 11:50 të së hënës, janë numëruar 2035 nga 5225 qendra votimi, dhe rezultatet paraprake tregojnë një avantazh të theksuar të Partisë Socialiste.

Partia Socialiste e Shqipërisë (PS) kryeson me 276.937 vota, duke siguruar 52.49% të totalit të votave të numëruara deri tani.

Në vend të dytë qëndron Koalicioni PD-ASHM me 181.475 vota, ose 34.40%, ndërsa Partia Socialdemokrate (PSD) renditet e treta me 21.039 vota (3.99%).

Ndër partitë e tjera, rezultatet janë:

Nisma Shqipëria Bëhet (NISMA-SHB): 17.553 vota (3.33%)

Partia Mundësia (MUNDESIA): 13.880 vota (2.63%)

Lëvizja Bashkë: 6.758 vota (1.28%)

Koalicioni Euroatlantik (KEA): 6.006 vota (1.14%)

Partia Aleanca Kombëtare Shqiptare (AKSH): 977 vota (0.19%)

Partia Aleanca Demokracia e Re (ADR): 370 vota (0.07%)

Koalicioni Djathtas për Zhvillim (DZH): 1.900 vota (0.36%)

Lëvizja Atdheu (LA): 694 vota (0.13%)

Me më shumë se 2000 qendra të numëruara, tendenca mbetet e qëndrueshme: PS mban epërsinë në të gjitha qarqet kryesore, ndërsa PD-ASHM ruan pozitat e saj në veri dhe disa zona të qëndrës.

Pritet që në orët e ardhshme të qartësohet ndarja përfundimtare e mandateve në Kuvendin e ardhshëm. /noa.al