Pas ndeshjes ndaj Dortmundit, Xabi Alonso foli për mediat e pranishme, me “MARCA” si e vetmja media spanjolle në sallë.

E ardhmja – “Do të shohim çfarë do të ndodhë, por unë dua të jem i lumtur kudo që shkoj. Kjo kërkon punë të madhe, një ekip të mirë… E rëndësishme është të përjetosh eksperienca të reja dhe të bësh gjëra të ndryshme”.

A është më i miri në historinë e Bayer Leverkusenit: “Nuk do t’i vë vetes kurrë titullin si trajneri më i mirë në historinë e këtij klubi, por mund të them që eksperienca ime te Bayer ka qenë shumë e veçantë”.

Fábregas te Bayer Leverkusen: “Ky është një klub me njerëz shumë të mirë dhe kjo bën diferencën. Kushdo që vjen, do të ndihet shumë mirë. Ka shumë njerëz të përgatitur, që do të marrin vendimin e duhur për trajnerin e ri. Pra, sigurisht që do të jetë i duhuri. Le të shohim çfarë do të ndodhë, por ky është një klub për të ardhur dhe për ta shijuar”.

Eksperiencë e paharrueshme: “Nuk do ta harroj kurrë këtë përvojë. Do të jetë gjithmonë pjesë e jetës sime, do ta kujtoj edhe pas 45 vitesh, kur të jem më i vjetër. Ky klub do të jetë gjithmonë në zemrën time. Jam shumë mirënjohës ndaj Fernando Carro, Simon Rolfes dhe gjithë klubit për gjithçka që më kanë bërë të ndiej këtu”.

Trashëgimia: “Kudo që shkoj, përpiqem gjithmonë të lë gjurmë. Jam shumë krenar që kam qenë pjesë e këtij klubi dhe kam ndihmuar për ta çuar më lart. Ndonjëherë nuk ka rëndësi nëse fiton apo humbet, rëndësi ka procesi”.